പിണറായി ഉദ്ഘാടനം നടത്തിയ ആശുപത്രി യുഎഇ ബാങ്ക് കണ്ടുകെട്ടി

1000 കോടി മുതൽ മുടക്കിൽ നിർമ്മിച്ച പാലക്കാട് നെന്മാറയിലെ മൾട്ടി സെപ്ഷ്യാലിറ്റി ആശുപത്രി യുഎഇ ബാങ്ക് കണ്ടുകെട്ടി. നെന്മാറക്കാരായ സഹോദരങ്ങളായ പ്രശാന്ത് മാങ്ങാടും പ്രന്മോദ് മാങ്ങാട്ടുമാണ് ഈ ആശുപത്രിയുടെ ഉടമകൾ. ഡോ ബി ആർ ഷെട്ടിയുടെ യു.എ.ഇയിലെ വ്യവസായ സാമ്രാജ്യത്തിലെ സി.ഇ ഒ മാരായിരുന്നു ഇവർ. വ്യാജ രേഖകളും ബി ആർ ഷെട്ടിയുടെ കള്ള ഒപ്പും ഇട്ട് പ്രശാന്ത് മാങ്ങാടും പ്രമോദ് മാങ്ങാടും 6.5 ബില്യൺ ഡോളർ അതായത് ഏതാണ്ട് 50000 കോടിയോളം രൂപ യു.എ.ഇയിലെ വിവിധ ബാങ്കുകളിൽ നിന്നും ലോൺ എടുത്തു.

2020 ൽ വിവിധ ബാങ്കുകളും മറ്റും ഓഡിറ്റ് നടത്തിയപ്പോൾ പാലക്കാടൻ മലയാളികളായ പ്രശാന്തും പ്രമോദ് മാങ്ങാടും എടുത്ത ലോണുകളുടെ 4 മില്യൺ ഡോളർ തുക കാണാനില്ല.4 മില്യൺ ഡോളർ യു.എ.ഇ എന്ന ഇന്ത്യയുടെ സൗഹൃദ രാജ്യത്തേ പറ്റിച്ച് ബാങ്കുകളേ ചതിച്ച് നെന്മാറയിലെ മാങ്ങാട് സഹോദരന്മാർ വഞ്ചന നടത്തുകയും മുങ്ങുകയും ചെയ്തു. 10 മാസമായി പ്രശാന്ത് മാങ്ങാടും പ്രമോദ് മാങ്ങാടും എവിടെ ലോകത്തിന്റെ ഏത് കോണിൽ ഒളിച്ചിരിക്കുന്നു എന്ന് ആർക്കും അറിയില്ല.

യു.എ.ഇയിലെ ബാകുകളേ പറ്റിച്ച പണം കൊണ്ട് കെട്ടിപൊക്കിയ അവിറ്റസ് ഹോസ്പിറ്റൽ എന്ന ഈ ആശുപത്രിയാണിപ്പോൾ കണ്ടുകെട്ടിയത്. ഈ ആശുപത്രി ജനങ്ങ്ൾക്ക് വേണം. എന്നാൽ ഒരു രാജ്യത്തേ കൊള്ളയടിച്ച് കൊണ്ടുവന്ന് 2 മലയാളികൾ കെട്ടിപൊക്കിയ ഈ സ്ഥാപനവും ഇതിരിക്കുന്ന മണ്ണും ഇപ്പോൾ വിദേശ രാജ്യത്തിന്റെ കൈകളിലായി.