മലയാളികൾക്ക് ഇപ്പോഴും ഒരു പുരോഗമനവും ഇല്ലല്ലോ, ഇതേ പോലെ ഫ്‌ളുവന്റായി ഇംഗ്ലീഷ് സംസാരിക്കാൻ എത്ര പേർക്ക് സാധിക്കും

മലയാളികളുടെ പ്രിയപ്പെട്ട താരകുടുംബമാണ് നടൻ ഇന്ദ്രജിത്തിന്റേത്. ഭാര്യ പൂർണിമ ഇന്ദ്രജിത്തും മലയാളികൾക്ക് സുപരിചിതരാണ്. ഇടവേളയ്ക്ക് ശേഷം ഇപ്പോൾ വീണ്ടും സിനിമയിലേക്ക് മടങ്ങി എത്തിയിട്ടുണ്ട് നടി. ഇവരുടെ മക്കളായ പ്രാർത്ഥനയും നക്ഷത്രയും മലയാളികൾക്ക് സുപരിചിതരാണ്. ഇരുവരും സോഷ്യൽ മീഡിയകളിൽ സജീവമാണ്. കഴിഞ്ഞ ദിവസം പ്രിയ മോഹന്റെ വീട്ടിൽ നിന്നുള്ള വിശേഷങ്ങൾ പങ്കിട്ട് പ്രാർത്ഥന എത്തിയിരുന്നു. ഒരു ഹാപ്പി ഫാമിലിക്കൊപ്പമുള്ള ഒരു ദിവസം എന്ന് പറഞ്ഞായിരുന്നു വീഡിയോ പോസ്റ്റ് ചെയ്തത്. പെട്ടന്നാണ് വീഡിയോ വൈറലായി മാറിയത്. നിരവധിപ്പേരാണ് കമന്റുമായെത്തുന്നത്,

മലയാളികൾക്ക് ഇപ്പോഴും ഒരു പുരോഗമനവും ഇല്ലല്ലോ, ഒരു പെൺകുട്ടി ഷോർട് ഡ്രസ് ഇട്ടാൽ ചോദിക്കും ഡ്രസ് അലർജി ആണോന്ന്, ഇംഗ്ലീഷ് സംസാരിച്ചാൽ കമന്റ് ചെയ്യും. ജോസഫേ, കുട്ടിക്ക് മലയാളം അറിയില്ല എന്ന് കമന്റ് ചെയ്യുന്ന എത്ര പേർക്ക് ഇതേ പോലെ ഫ്‌ളുവന്റായി ഇംഗ്ലീഷ് സംസാരിക്കാൻ പറ്റുമെന്നായിരുന്നു ഒരാൾ കമന്റിട്ടത്. അത് അവളുടെ സ്വാതന്ത്ര്യമാണ്, അതെന്താണ് എല്ലാവരും മനസ്സിലാക്കാത്തതെന്നായിരുന്നു ഒരാളുടെ ചോദ്യം.

പിന്നണി ഗായിക എന്ന നിലയിൽ മലയാളത്തിലും ബോളിവുഡിലും പ്രാർത്ഥന അരങ്ങേറ്റം കുറിച്ചു. പാട്ടും ഗിത്താർ വായനയും ഡബ്‌സ്മാഷുമൊക്കെയായി സോഷ്യൽ മീഡിയയിൽ സജീവമാണ് പ്രാർത്ഥന. മലയാളത്തിൽ മോഹൻലാൽ, ടിയാൻ, കുട്ടൻപിള്ളയുടെ ശിവരാത്രി, ഹെലെൻ തുടങ്ങിയ ചിത്രങ്ങളിൽ പ്രാർത്ഥന പാടിയിട്ടുണ്ട്. ബിജോയ് നമ്ബ്യാർ സംവിധാനം ചെയ്ത ‘തായ്ഷി’നു വേണ്ടി ‘രേ ബാവ്‌രെ’ എന്ന പാട്ട് പാടിയായിരുന്നു ബോളിവുഡിൽ പ്രാർത്ഥനയുടെ അരങ്ങേറ്റം.