വിഴിഞ്ഞത്ത് കടൽ വഴിമാറി, തിരുവനന്തപുരം തകരും

വിഴിഞ്ഞം തുറമുഖ കരാറിലെ അഴിമതിയുമായി ബന്ധപ്പെട്ട് നിർണ്ണായമായ വിവരങ്ങൾ കർമ്മ ന്യൂസിന്‌. മുൻ മുഖ്യമന്ത്രി ഉമ്മൻ ചാണ്ടിയും അന്നത്തേ മന്ത്രി കെ ബാബുവും ഇടപെട്ട് ഉണ്ടാക്കിയ കരാറിൽ കോടികൾ അഴിമതി പണമായി കൈപറ്റി എന്നാണ്‌ ഇപ്പോൾ പുറത്ത് വരുന്നത്. സർക്കാർ വിഴിഞ്ഞത്ത് ഖജനാവിൽ നിന്നും പണം എടുത്ത് 300 ഏക്കർ സ്ഥലം വാങ്ങി. ഈ സ്ഥലം അദാനിക്ക് 99 വർഷത്തേക്ക് പാട്ടത്തിനു നല്കി. മാത്രമല്ല പാട്ടത്തിനു നല്കിയ സെന്റിനു 70 ലക്ഷം വരെ വിലയുള്ള ഭൂമി പണയം വയ്ക്കാനും അദാനിക്ക് കരാറിൽ അനുമതി നല്കി. ഇപ്പോൾ ഇതുമായി ബന്ധപ്പെട്ട് എം കെ സലിം നല്കിയ പരാതിയുടെ അടിസ്ഥാനത്തിൽ വിജിലൻസ് കേസ് രജിസ്റ്റർ ചെയ്തു. ഗൗതം അദാനി, ഉമ്മൻ ചാണ്ടി, മുൻ മന്ത്രി കെ ബാബു, ജയിംസ് വർഗീസ് തുടങ്ങിയവർ കേസിൽ പ്രതികളാണ്‌

ഇതുമായി ബന്ധപ്പെട്ട് വിഴിഞ്ഞം സന്ദർശിക്കാൻ അഴിമതി വിരുദ്ധ പോരാട്ടം നടത്തി ലോക ശ്രദ്ധ നേടിയ അഡ്വ പ്രശാന്ത് ഭൂഷൻ ശനിയാഴ്ച്ച വിഴിഞ്ഞത്ത് സന്ദർശനത്തിനെത്തുന്നു. അദാനി ഇഷ്ടം പോലെ കടലിലേക്ക് അശാസ്ത്രീയമായി കല്ലിട്ട് നികത്തുന്നതിനാൽ കടലിന്റെ ഘടന ഈ പ്രദേശത്ത് മാറി. കടൽ ഘടന മാറിയതിനാൽ പൂന്തിറ ഉതൽ ശഘുമുഖം വരെ കടലോരം തകർന്നു. പൂന്തിറ എന്ന പ്രദേശം തന്നെ ഇല്ലാതാകുന്നു. ശഘുമുഖത്ത് കടൽ തിരകൾ തിരുവന്തപുരം വിമാനത്താവളത്തിന്റെ ഭിത്തിയിൽ വരെ എത്തി. ഇങ്ങിനെ പോയാൽ വിമാനത്താവളത്തിൽ കടൽ കയറും. വരും വർഷം തന്നെ..തുടർന്ന് തൊട്ടടുത്തുള്ള ഐ എസ് ആർ ഒയും, ബ്രമോസ് കേന്ദ്രത്തിലും എല്ലാം കടലെത്തും. അശാസ്ത്രിയമായി വിഴിഞ്ഞത്ത് കടലിന്റെ ഘടന മാറ്റിയതാണ്‌ കാരണം