പ്രതിഭ ഗർഭിണി ആയിരുന്നു, എന്നാൽ ചില പ്രശ്നങ്ങൾ ഉണ്ടായി- സജീഷ്

നിപാ വൈറസ് ബാധിച്ച് മരിച്ച സിസ്റ്റർ ലിനിയുടെ ഭർത്താവ് സജീഷ് കഴിഞ്ഞ വർഷം വീണ്ടും വിവാഹിതനായിരുന്നു. പ്രതിഭയാണ് ഭാര്യ. ഇപ്പോഴിതാ തങ്ങളുടെ യൂട്യൂബ് ഫാമിലിയുടെ നിരന്തരമായ ചോദ്യങ്ങൾക്ക് മറുപടി നൽകുകയാണ് പ്രതിഭയും സജീഷും. പ്രതിഭ ഇപ്പോൾ ജോലിക്ക് പോകുന്നില്ല. മകൾ ദേവുവിന്റെ പഠനത്തിന് വേണ്ടിയുള്ള അഡ്മിഷൻ സംബന്ധിക്കുന്ന തിരക്കുകളിൽ ആണ്. നഴ്സിങ് ആണ് മകളെ പഠിപ്പിക്കാൻ ആഗ്രഹിക്കുന്നത്. കേരളത്തിൽ തന്നെ കിട്ടുമോ എന്ന് നോക്കുന്നു.

ഇപ്പോൾ ബേബി പ്ലാനിങ് ഇല്ല, പക്ഷെ ഒരാൾ കൂടി നമ്മുടെ ജീവിതത്തിലേക്ക് വന്നാൽ അത് സന്തോഷം മാത്രമാണ്. ഇടക്ക് വച്ച് പ്രതിഭ ഗർഭിണി ആയിരുന്നു. എന്നാൽ ശാരീരിക ബുദ്ധിമുട്ടുകൾ കാരണം ഒഴിവായി പോയി. അത് വിഷമം ആയിരുന്നു എങ്കിലും ഇപ്പോൾ ഓക്കേ ആണ്. അത്‌കൊണ്ടുതന്നെ അങ്ങനെ ഒരാൾ വന്നാൽ ഉറപ്പായും അറിയിക്കാം- സജീഷ് പറയുന്നു.

ആദ്യ ഭാര്യയെ ആണോ രണ്ടാം ഭാര്യെയ ആണോ ഇഷ്ടം എന്ന ചോദ്യത്തിന് ആളുകൾക്ക് എന്തൊക്കെയാണ് അറിയാൻ താത്പര്യം എന്നാണ് സജീഷ് പറഞ്ഞത്. എനിക്ക് രണ്ടുപേരും എന്റെ പങ്കാളികൾ ആണ്. അവരോട് രണ്ടാളോടും എനിക്ക് തുല്യമായ ഇഷ്ടമാണ്. രണ്ടുപേരെയും ഈ നിമിഷം വരെ താൻ സ്നേഹിക്കുന്നതിൽ പിഴവ് കാണിച്ചിട്ടില്ല എന്നാണ് വിശ്വാസം.