കുഞ്ഞിനെ ലഭിച്ചത് പ്രാർത്ഥനയിലൂടെ പ്രേം ​കുമാർ

മലയാളികളുടെ ഇഷ്ട നടനാണ് പ്രേംകുമാർ. വർഷങ്ങളുടെ കാത്തിരിപ്പിനൊടുവിലാണ് പ്രേംകുമാറിനും ഭാര്യ ജിഷക്കും ഒരു പെൺകുഞ്ഞിനെ ലഭിക്കുന്നത്. ഇപ്പോഴിതാ തന്റെ ജീവിതത്തിൽ ദൈവം പ്രവർത്തിച്ച അത്ഭുതത്തെ കുറിച്ച് പറയുകയാണ് പ്രേംകുമാറും ഭാര്യ ജിഷയും. എംജി ശ്രീകുമാർ അവതാരകനായ പറയാം നേടാം എന്ന പരിപാടിയിൽ പങ്കെടുത്തപ്പോഴാണ് താരവും ഭാര്യയും മനസ് തുറന്നത്.

വാക്കുകളിങ്ങനെ

‘2000ൽ ആയിരുന്നു ഞങ്ങളുടെ വിവാഹം. കുഞ്ഞുണ്ടാവാതെ വന്നപ്പോൾ കുറെ ചികിത്സ നടത്തി. നാല് അഞ്ച് വർഷം അങ്ങനെ പോയി. ഒരുപാട് ചെലവ് വരുന്ന ചികിത്സയാണ്. ഞാൻ ആണെങ്കിൽ അന്ന് സിനിമയിൽ സജീവമായി നിൽക്കുന്ന സമയമാണ്. എന്നാൽ ചികിത്സയുമായി ബന്ധപ്പെട്ട് ഏറെനാൾ മാറി നിൽക്കേണ്ട സാഹചര്യമൊക്കെ വന്നു. ഒടുവിൽ ഡോക്ടർമാർ പറഞ്ഞു. ഞങ്ങൾ എല്ലാം ശ്രമിച്ചു. ഇനി നിങ്ങൾ പ്രാർത്ഥിക്കു. ദൈവത്തിന് എന്തെങ്കിലും അത്ഭുതം പ്രവർത്തിക്കാൻ കഴിയുമെന്ന്,’

‘അന്ന് മുതലാണ് ദൈവത്തെ കുറിച്ചു കൂടുതൽ ചിന്തിക്കാൻ തുടങ്ങിയത്. വൈദ്യ സഹായം കീഴടങ്ങുകയും പ്രതീക്ഷയിലെന്ന് അവർ പറയുകയും ചെയ്യുമ്പോൾ നമുക്ക് മുന്നിൽ വേറെ വഴിയിൽ വിശ്വസിച്ച് അങ് പ്രാർത്ഥിക്കുകയായിരുന്നു, പ്രാർത്ഥനയ്ക്ക് വലിയ ശക്തിയുണ്ടെന്ന് തിരിച്ചറിയുന്നത് അപ്പോഴാണ്. മനുഷ്യനെയും പ്രപഞ്ചത്തെയും എല്ലാത്തിനെയും സൃഷ്‌ടിച്ച സർവശക്തനായ ഒരു ദൈവത്തിലാണ് ഞാൻ വിശ്വസിക്കുന്നത്,’ പ്രേംകുമാർ പറഞ്ഞു.

പ്രാർത്ഥനയിൽ അത്ഭുതം പ്രവർത്തിച്ചാണ് യേശു തന്നതാണെന്നാണ് പ്രേംകുമാറിന്റെ ഭാര്യ പറഞ്ഞത്. മകൾക്ക് ഇപ്പോൾ 13 വയസായെന്നും മകളുടെ പേര് ജമൈമ പ്രേം എന്നാണെന്നും ജിഷ പറഞ്ഞു.

പ്രശസ്ത സംവിധായകൻ പി എ ബക്കറിന്റെ പി കൃഷ്ണപിള്ളയെക്കുറിച്ചുള്ള സഖാവ് എന്ന സിനിമയിൽ ആണ് പ്രേംകുമാർ അഭിനയിച്ചത്. എന്നാൽ ആ ചിത്രം പ്രദർശനത്തിനെത്തിയില്ല. തുടർന്ന് തൊണ്ണൂറുകളിൽ ദൂരദർശൻ മലയാളം ചാനലിൽ സംപ്രേഷണം ചെയ്തിരുന്ന “ലംബോ” എന്ന ടെലിഫിലം ആണ് പ്രേംകുമാറിനെ അഭിനയ രംഗത്തേക്ക് വീണ്ടും കൊണ്ടുവരുന്നത്.വളരെയധികം പ്രേക്ഷക ശ്രദ്ധ നേടിയ ഇതിലെ അഭിനയത്തിന് 1990 ലെ മികച്ച നടനുള്ള കേരള സംസ്ഥാന ടി വി അവാർഡ് ഇദ്ദേഹത്തിനായിരുന്നു. അരങ്ങ് എന്ന ചിത്രം ആണ് ആദ്യം റിലീസ് ആയത്. മുപ്പതു വർഷത്തിലധികമായി അഭിനയ രംഗത്തുള്ള പ്രേംകുമാർ, ചെറിയ ചെറിയ വേഷങ്ങൾ ചെയ്തു നായക വേഷങ്ങളിലേക്ക് എത്തി. ജോണിവാക്കർ, അനിയൻ ബാവ ചേട്ടൻ ബാവ, പുതുക്കോട്ടയിലെ പുതുമണവാളൻ, മന്ത്രിക്കൊച്ചമ്മ, ആദ്യത്തെ കണ്മണി, ഇക്കരെയാണെന്റെ താമസം തുടങ്ങി നൂറോളം സിനിമകളിൽ നായകനും സഹനടനുമായി മികച്ച പ്രകടനം തന്നെ ആണ് പ്രേംകുമാർ കാഴ്ച വെച്ചത്. വ്യക്തിപരമായ കാരണങ്ങളാൽ അഭിനയരംഗത്ത് നിന്നും കുറച്ചു കാലം വിട്ടു നിന്ന പ്രേംകുമാർ ചട്ടക്കാരി, തേജാഭായി ആൻഡ്‌ ഫാമിലി, ഷട്ടർ തുടങ്ങിയ ചിത്രങ്ങളിലൂടെ മലയാള സിനിമരംഗത്ത് വീണ്ടും സജീവമായി.