മാതാപിതാക്കളെ പിരിഞ്ഞിരിക്കാൻ പറ്റാത്തതിനാൽ വിവാഹം കഴിക്കാൻ പോലും താൽപ്പര്യമില്ല-സായ് പല്ലവി

മലയാളികളുടെ പ്രിയപ്പെട്ട നടിയാണ് സായി പല്ലവി.അൽഫോൻസ് പുത്രൻ സംവിധാനം ചെയ്ത പ്രേമം എന്ന ചിത്രത്തിലൂടെയാണ് സായി പല്ലവിയെ ഏവർക്കും പ്രിയപ്പെട്ടവളാക്കിയത്.ചിത്രത്തിലെ മലർ മിസ് എന്ന കഥാപാത്രം ഏവരുടെയും മനം കവർന്നിരുന്നുപ്രേമത്തിന് ശേഷം തെന്നിന്ത്യയിൽ നിറഞ്ഞ് നിൽക്കുകയാണ് നടി.മലയാളത്തിന് പുറമെ തെലുങ്കിലും തമിഴിലും സായി പല്ലവി തിളങ്ങുകയാണ്.

വിവാഹത്തോട് തനിക്ക് തീരെ താൽപര്യമില്ലെന്നായിരുന്നു പലപ്പോഴായി സായി പല്ലവി പറയാറുള്ളത്.ഇപ്പോൾ വീണ്ടും നടിയുടെ വിവാഹവുമായി ബന്ധപ്പെട്ടുള്ള തുറന്നുപറഞ്ഞിൽ വൈറലാകുന്നു.മാതാപിതാക്കളെ വിട്ട് മറ്റൊരു സ്ഥലത്തേക്ക് പോവേണ്ടി വരുന്നതിനോട് യോജിക്കാനാവില്ല.എല്ലാ കാലത്തും അവരോടൊപ്പം കഴിയാനാണ് ആഗ്രഹം.അതിനാലാണ് വിവാഹം വേണ്ടെന്ന തീരുമാനമെടുത്തത് എന്നുമായിരുന്നു സായി പല്ലവി പറഞ്ഞത്.

ബാഹുബലി താരം റാണാ ദഗ്ഗുബാട്ടി നായകനാവുന്ന വിരാടപർവ്വം എന്ന തെലുങ്ക് ചിത്രമാണ് സായിയുടേതായി ഇനി പുറത്തിറങ്ങാനുള്ളത്.സായിയുടെ പിറന്നാൾ ദിനത്തിൽ ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തിരുന്നുയഥാർത്ഥ സംഭവങ്ങളിൽ നിന്നും പ്രചോദനം ഉൾകൊണ്ട് നിർമ്മിക്കുന്ന ചിത്രമാണിതെന്ന് സംവിധായകൻ മുൻപു തന്നെ വ്യക്തമാക്കിയിരുന്നുഇപ്പോൾ ഏറ്റവുമധികം പ്രതിഫലം വാങ്ങുന്ന നായികമാരിൽ ഒരാളാണ് സായി.2016ൽ മെഡിക്കൽ പഠനം പൂർത്തിയാക്കിയ സായി പല്ലവി പ്രാക്ടീസ് തുടങ്ങിയിരുന്നില്ല.വീണ്ടും മെഡിക്കൽ രംഗത്തേക്ക് പ്രവേശിക്കാനുള്ള ഒരുക്കത്തിലാണ് നടിയെന്നാണ് അറിയുന്നത്.