പ്രധാനമന്ത്രി പാലക്കാട് എത്തി; റോഡ്ഷോ അൽപ സമയത്തിനുള്ളിൽ

പാലക്കാട്∙ പ്രധാനമന്ത്രി നരേന്ദ്ര മോദി പാലക്കാട് എത്തി. റോഡ്ഷോ അൽപ സമയത്തിനുള്ളിൽ ആരംഭിക്കും. പ്രധാനമന്ത്രിയുടെ റോഡ് ഷോ കാണാൻ നിരവധി പ്രവർത്തകർ വന്നുകൊണ്ടിരിക്കുന്നു കെജിയുടെ നേതൃത്വത്തിൽ 5000 പൊലീസ് ഉദ്യോഗസ്ഥരാണ് സുരക്ഷാ നടപടിക്കുള്ളത്, എസ്പിജി ഡിഐജിയുടെ നേതൃത്വത്തിലും സംഘം ക്യാംപ് ചെയ്യുന്നു.

കോയമ്പത്തൂരിൽനിന്ന് ഹെലികോപ്റ്ററിൽ പാലക്കാട് മേഴ്സി കോളജ് ഗ്രൗണ്ടിൽ ഇറങ്ങിയ അദ്ദേഹത്തെ ബിജെപി കേരള പ്രഭാരി പ്രകാശ് ജാവഡേകർ, സംസ്ഥാന പ്രസിഡന്റ് കെ.സുരേന്ദ്രൻ, പാലക്കാട്, പൊന്നാനി മലപ്പുറം സ്ഥാനാർഥികളും ഘടകകക്ഷി സംസ്ഥാന നേതാക്കളും ചേർന്ന് സ്വീകരിച്ചു.

ഗ്രൗണ്ടിൽനിന്ന് കാറിൽ നഗരമധ്യത്തിലെ കോട്ടമൈതാനത്തെ അഞ്ചുവിളക്കിൽ എത്തുന്ന മോദി 10.30ന് റോഡ് ഷോ ആരംഭിക്കും. സുൽത്താൻപേട്ട വഴി ഹെഡ് പോസ്റ്റ് ഓഫിസ് പരിസരത്താണ് ഷോ സമാപിക്കുക. പൊതുസമ്മേളനം ഇല്ല. ശേഷം മേഴ്സി കോളജ് ഗ്രൗണ്ടിലെത്തുന്ന പ്രധാനമന്ത്രി തമിഴ്നാട്ടിലേക്ക് പോകും.