ഹിന്ദിയുടെ ലാളിത്യം ജനങ്ങളെ ആകര്‍ഷിക്കുന്നുവെന്ന് പ്രധാനമന്ത്രി നരേന്ദ്രമോദി

ന്യൂഡല്‍ഹി. ഹിന്ദി ദിനത്തില്‍ രാജ്യത്തെ ജനങ്ങള്‍ക്ക് ആശംസകള്‍ നേര്‍ന്ന് പ്രധാനമന്ത്രി നരേന്ദ്ര മോദി. ഹിന്ദി ഭാഷയുടെ ലാളിത്യവും സ്വാഭാവികതയും എല്ലായ്‌പ്പോഴും ജനങ്ങളെ ആകര്‍ഷിക്കുന്നതാണെന്നും പ്രധാനമന്ത്രി നരേന്ദ്ര മോദി പറഞ്ഞു. ഹിന്ദി പ്രചരിപ്പിക്കുന്നതിനായി ശ്രമിക്കുന്നവരെ അദ്ദേഹം അഭിനന്ദിച്ചു.

ഇന്ത്യയ്ക്ക് ലോകത്തിന് മുമ്പില്‍ ബഹുമതി നേടിക്കൊടുക്കുവാന്‍ ഹിന്ദിക്ക് കഴിഞ്ഞു. രാജ്യത്തിന്റെ ലാളിത്യവും സ്വാഭാവികതയും ലോകത്തെ മുഴുവന്‍ ജനങ്ങളെയും ആകര്‍ഷിക്കുന്നതാണ്. ഹിന്ദി ദിനത്തില്‍ ഭാഷയുടെ അഭിവൃദ്ധിയ്ക്കായും ശാക്തീകരണത്തിനയും ആശ്രാന്തമായി സംഭവന ചെയ്ത എല്ലാ ആളുകല്‍ക്കും ഞാന്‍ ആശംസകള്‍ അറിയിക്കുന്നതായി പ്രധാനമന്ത്രി ട്വീറ്ററില്‍ കുറിച്ചു.

രാജ്യത്തെ മറ്റ് എല്ലാ ഭാഷകളുടെയും സുഹൃത്താണ് ഹിന്ദിയെന്നും അത് രാജ്യത്തിന്റെ മുഴുവന്‍ ഐക്യത്തിനെയു ഒരു നൂലില്‍ കോര്‍ത്തിരിക്കുകയാണെന്നും കേന്ദ്ര ആഭ്യന്തര മന്ത്രി അമിത് ഷാ പറഞ്ഞു. പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള സര്‍ക്കാര്‍ ഹിന്ദി ഉള്‍പ്പെടെയുള്ള എല്ലാ പ്രാദേശിക ഭാഷകളുടെയും വികസനത്തിന് പ്രതിജ്ഞാബദ്ധമാണെന്നും അദ്ദേഹം വ്യക്തമാക്കി.