കൊച്ചി വാട്ടര്‍ മെട്രോയുടെ ഉദ്ഘാടനവും പ്രധാനമന്ത്രി വന്ദേഭാരതിനൊപ്പം ചെയ്‌തേക്കും

ന്യൂഡല്‍ഹി. വന്ദേഭാരത് ട്രെയിനിനൊപ്പം കൊച്ചി വാര്‍ട്ടര്‍ മെട്രോയും പ്രധാനമന്ത്രി ഉദ്ഘാനം ചെയ്യുമെന്ന് റിപ്പോര്‍ട്ട്. കൊച്ചിയില്‍ വാട്ടര്‍മെട്രോയുടെ ഒന്നാംഘട്ട നിര്‍മാണ പ്രവര്‍ത്തനങ്ങള്‍ പൂര്‍ത്തിയായിട്ടിരിക്കുകയാണ്. പ്രധാനമന്ത്രി നരേന്ദ്ര മോദിയുടെ രണ്ടുദിവസത്തെ കേരള സന്ദര്‍ശനത്തിടെ വാട്ടര്‍ മെട്രോയുടെ ഉദ്ഘാടനവും നിര്‍വഹിക്കുമെന്നാണ് ലഭിക്കുന്ന വിവരം.

വാട്ടര്‍ മെട്രോയുടെ ആദ്യ ഘട്ടത്തില്‍ ഹൈക്കോടതി മുതല്‍ വൈപ്പിന്‍ വരെയും വൈറ്റില മുതല്‍ കാക്കനാട് വരെയുമാണ്. ഈ സര്‍വ്വീസുകളുടെ ഉദ്ഘാടനമാണ് പ്രധാനമന്ത്രി നിര്‍വഹിക്കുന്നത്. 25ന് തിരുവനന്തപുരത്ത് വെച്ചാണ് പ്രധാനന്ത്രി നരേന്ദ്ര മോദി വന്ദേഭാരത് ഉദ്ഘാടനം ചെയ്യുന്നത്.

സംസ്ഥാനത്തെ ആദ്യ വന്ദേഭാരത് ട്രെയിനിന്റെ ഫ്‌ലാഗ് ഓഫ് ചടങ്ങിന് ശേഷം ട്രെയിനുള്ളില്‍ പ്രധാനമന്ത്രി തിരുവനന്തപുരത്തെ വിദ്യാര്‍ഥികളുമായി സംവദിക്കുമെന്ന വിവരം. ജില്ലയിലെ 70 സ്‌കൂളുകളില്‍ നിന്നും തിരഞ്ഞെടുക്കപ്പെടുന്ന 70 വിദ്യാര്‍തികളുമായിട്ടാണ് പ്രധാനമന്ത്രി സംസാരിക്കുന്നത്. അതേസമയം പുറത്ത് വരുന്ന വിരങ്ങള്‍ അനുസരിച്ച് പ്രധാനമന്ത്രി കൊല്ലം വരെ യാത്ര ചെയ്‌തേക്കും.

25ന് തിരുവനന്തപുരം സെന്‍ട്രല്‍ വര്‍ക്കല റെയില്‍വേ സ്റ്റേഷനുകളുടെ വികസനപദ്ധതികളുടെ ഉദ്ഘാടനവും, നേമം കൊച്ചുവേളി പദ്ധതികളുടെ പ്രഖ്യാപനവും ഉണ്ടാകുമെന്നാണ് വിവരം. വന്ദേഭാരതിന്റെ ഉദ്ഘാടന സമ്മേളനം സെട്രല്‍ സ്റ്റേഡിയത്തിലാണ് നിശ്ചയിച്ചിരിക്കുന്നത്. ചടങ്ങില്ഡ കോഴിക്കോട് റെയില്‍വേ സ്‌റ്റേഷന്റെ നവീകരണവും പാലക്കാട് പൊള്ളാച്ചി ലൈനിലെ വൈദ്യൂതീകരണവും പ്രഖ്യാപിക്കു.