വീട്ടിലെത്തിയ പൃഥ്വിരാജിനായി ഭാര്യ സുപ്രിയ ഒരുക്കിയ സമ്മാനങ്ങളും സർപ്രൈസുകളും

ആട് ജീവിതത്തിന്റെ ഷൂട്ടിം​ഗ് കഴിഞ്ഞ് ജോർദ്ദാനിൽ നിന്നെത്തിയ പൃഥ്വിരാജും സംഘവും ഇൻസ്റ്റിറ്റ്യൂഷൻ ക്വാറന്റൈൻ അവസാനിപ്പിച്ച് കഴിഞ്ഞ ദിവസം വീട്ടിലേക്ക് മടങ്ങിയിരുന്നു. ഇപ്പോഴിതാ പൃഥ്വിയുടെ വീട്ടിൽ നിന്നുള്ള പുതിയ വിശേഷങ്ങളാണ് പുറത്ത് വരുന്നത്.

ക്വാറന്റൈനിൽ വീട്ടിലെത്തിയ താരത്തിന് കൈ നിറയെ സമ്മാനങ്ങളൊരുക്കി വെച്ചിരിക്കുകയായിരുന്നു ഭാര്യ സുപ്രിയ മേനോൻ. മൈസൂർ പാക്കും, കുരുമുളകിട്ട് വറുത്ത കശുവണ്ടിയും ഒപ്പം മറ്റ് മധുര പലഹാരങ്ങളും നിറഞ്ഞൊരുപെട്ടി തന്നെയാണ് പൃഥ്വിയ്ക്ക് കൊടുത്തിയിരിക്കുന്നത്. ശ്രീകൃഷ്ണ സ്വീറ്റ്‌സിൽ നിന്നും ലഭിച്ച സ്‌നേഹ സമ്മാനത്തിന് നന്ദി പറഞ്ഞ് കൊണ്ടാണ് ഇൻസ്റ്റാഗ്രാമിലൂടെ സുപ്രിയ ഈ ചിത്രങ്ങൾ പുറത്ത് വിട്ടത്.മേയ് 22 നാണ് ആട് ജീവിതം സംഘം കൊച്ചിയിലെത്തിയത്. വിമാനത്താവളത്തിൽ നിന്ന് ഫോർട്ട് കൊച്ചിയിലെ പെയ്ഡ് ക്വാറന്റൈനിലേക്കാണ് സംഘം നേരെ പോയത്. അവിടെ മിനി ജിം അടക്കമുള്ള കാര്യങ്ങളൊരുക്കിയത് സോഷ്യൽ മീഡിയയിൽ പങ്കുവെച്ചിരുന്നു. ആട് ജീവിതത്തിലെ നജീബാകാൻ വേണ്ടി 20 കിലോയോളമാണ് പൃഥ്വിരാജ് ഭാരം കുറച്ചത്.