വിദ്യാഭ്യാസ സ്ഥാപനങ്ങൾ തുറക്കാനിരിരിക്കെ, ജൂണ്‍ 7 മുതൽ പണിമുടക്കാൻ ബസ് ഉടമകൾ

തിരുവനന്തപുരം∙ വിദ്യാര്‍ഥികളുടെ യാത്രാനിരക്ക് വര്‍ധിപ്പിക്കണമെന്നാണ് ബസ് ഉടമകളുടെ ആവശ്യം അംഗീകരിക്കാതായതോടെ ജൂണ്‍ ഏഴു മുതല്‍ സ്വകാര്യ ബസുകൾ അനിശ്ചിതകാല പണിമുടക്കിലേക്ക്. ഗതാഗതമന്ത്രിയെ കണ്ട് സമരത്തിനു നോട്ടിസ് നല്‍കി. തങ്ങളുടെ ആവശ്യത്തിൽ മന്ത്രി വ്യക്തമായ മറുപടി നല്‍കിയില്ലെന്നും പരിഗണിക്കാമെന്ന് അറിയിച്ചതായും ബസ് ഉടമകള്‍ പ്രതികരിച്ചു.

വിദ്യാര്‍ഥികളുടെ യാത്രാനിരക്ക് ടിക്കറ്റ് നിരക്കിന്റെ പകുതിയാക്കുക, മിനിമം 5 രൂപയാക്കുക തുടങ്ങിയ ആവശ്യങ്ങളാണ് ബസ് ഉടമ സംയുക്ത സമിതി മുന്നോട്ടു വയ്ക്കുന്നത്. യാത്രാ ആനുകൂല്യത്തിന് വിദ്യാര്‍ഥികള്‍ക്കു പ്രായപരിധി നിശ്ചയിക്കണമെന്നും സംഘടന ആവശ്യപ്പെട്ടു.

എന്നാൽ സ്വകാര്യ ബസ് സമരത്തെ ഗതാഗത മന്ത്രി ആന്റണി രാജു തള്ളുകയാണുണ്ടായത്. ഒരു വർഷം മുമ്പാണ് ഡീസൽ വില കൂട്ടിയത്. അതിന് ശേഷം വില വർധിച്ചിട്ടില്ലയെന്നും, സ്വകാര്യ ബസ് ഉടമകൾ പ്രഖ്യാപിച്ച സമരത്തെ ന്യായീകരിക്കാൻ ആകില്ലെന്നുമായിരുന്നു മന്ത്രിയുടെ വാദം. ഇതോടെയാണ് സമരവുമായി മുന്നോട്ട് പോകാൻ ബസുടമകൾ തീരുമാനിച്ചത്.