സൂചി പേടികാരണം, കണ്ണുകളടച്ച്‌ വാക്‌സിൻ സ്വീകരിച്ച്‌ പ്രിയ വാര്യർ

നിമിഷ നേരം കൊണ്ട് ലോകം മുഴുവൻ ആരാധകരെ സൃഷ്ടിച്ച ഏക താരമാണ് പ്രിയ പ്രകാശ് വാര്യർ. ഒരു അഡാറ് ലവ് എന്ന സിനിമയിലെ കണ്ണിറുക്കി കാണിക്കുന്ന രംഗമായിരുന്നു പ്രിയയ്ക്ക് ആരാധകരെ സമ്മാനിച്ചത്. പാട്ട് ഹിറ്റായതോടെ പ്രിയയുടെ ഇൻസ്റ്റാഗ്രാം അക്കൗണ്ടിൽ ഫോളോവേഴ്‌സിന്റെ എണ്ണം വർദ്ധിച്ചു. മലയാളത്തിൽ പുതിയ ചിത്രങ്ങൾ ഒന്നും ഇല്ലെങ്കിലും തെലുഗിലും, ഹിന്ദിയിലും താരം അഭിനയിച്ചു. നിതിൻ ഒപ്പം അഭിനയിച്ച തെലുഗ് ചിത്രം ചെക് ആണ് അവസാനമായി റിലീസ് ചെയ്ത ചിത്രം. പ്രിയ ഇപ്പോൾ അവസാന വർഷ ബിരുദ വിദ്യാർഥിനിയാണ്

ഇപ്പോളിതാ കോവിഡ് വാക്‌സിൻ സ്വീകരിക്കുന്നതിന്റെ ചിത്രം പങ്കുവെച്ചിരിക്കുകയാണ് താരം. ആദ്യ ഡോസ് വാക്‌സിൻ ആണ് താരം എടുത്തത്. നടി തന്നെയാണ് ഇക്കാര്യം അറിയിച്ചത്. ചിത്രങ്ങളും പങ്കുവച്ചു.ഇൻജെക്ഷൻ സൂചി കണ്ടാൽ പേടി ആണത്രേ പ്രിയക്ക്.നേഴ്‌സ് വാക്‌സിൻ സൂചി കുത്തിയിറക്കുന്നതും ഇവിടെ നടക്കുന്നതൊന്നും കാണേണ്ട എന്ന് ഭാവത്തിൽ കണ്ണുകളടച്ചാണ് വാക്‌സിൻ നടി എടുത്തത്. ഹിന്ദി ചിത്രം ശ്രീദേവി ബംഗ്ലാവ് റിലീസിനായി കാത്തിരിക്കുകയാണ് പ്രിയ വാര്യർ.