മലവും മൂത്രവും ശേഖരിച്ച് സംസ്കരിക്കാൻ പ്രത്യേക സൈനികർ

റഷ്യൻ പ്രസിഡന്റ് വ്‌ളാഡിമിർ പുടിന്റെ മലവും മൂത്രവും ശേഖരിച്ച് സംസ്കരിക്കുന്നതിനായി പ്രത്യേക സൈനികരെ നിയോ​ഗിച്ചിട്ടുണ്ടെന്ന് റിപ്പോർട്ടുകൾ. പുട്ടിന്റെ ആരോഗ്യ സ്ഥിതി മറ്റാരും അറിയാതിരിക്കാനും ശത്രുക്കളുടെ കൈകളിലെത്തിതാതിരിക്കാനുമാണ് വിസർജ്യം പ്രത്യേക ഉദ്യോ​ഗസ്ഥർ ശേഖരിച്ച് സംസ്കരിക്കുന്നതെന്നാണ് റിപ്പോർട്ടിൽ പറയുന്നത്.

ഫ്രഞ്ച് വാർത്താ മാസികയായ പാരീസ് മാച്ചിലയിലാണ് സംഭവം ആ​ദ്യമായി റിപ്പോർട്ട് ചെയ്തത്.പിന്നീട് മറ്റുള്ള മാധ്യമങ്ങളും റിപ്പോർട്ട് ചെയ്തു. റഷ്യയുടെ ഫെഡറൽ ഗാർഡ് സർവീസിലെ ഉദ്യോ​ഗസ്ഥൻ പുടിന്റെ മലമൂത്രവിസർജ്ജനം ശേഖരിച്ച് മോസ്കോയിലേക്ക് തിരിച്ചയക്കുന്ന ഒരു സ്യൂട്ട്കേസ് വഹിക്കുന്നുണ്ടെന്ന് ഫ്രഞ്ച് പ്രസിദ്ധീകരണം വെളിപ്പെടുത്തി. ശരീര മാലിന്യങ്ങൾ പ്രത്യേക പാക്കറ്റുകളിലായാണ് ശേഖരിക്കുന്നതെന്ന് ഇൻഡിപെൻഡന്റ് റിപ്പോർട്ട് പറഞ്ഞു

ആരോഗ്യത്തെക്കുറിച്ചുള്ള എന്തെങ്കിലും വിവരങ്ങൾ വിദേശ രഹസ്യാന്വേഷണ വിഭാഗങ്ങളുടെ കൈകളിൽ എത്തുമോയെന്ന് പുടിൻ ഭയപ്പെടുന്നെന്നും റഷ്യയിൽ അധികാര കൈമാറ്റമുണ്ടാകില്ലെന്നും തന്റെ അവസാനം വരെ റഷ്യ ഭരിക്കും എന്നും ഉയർത്തിക്കാട്ടാൻ പുടിൻ ശ്രമിക്കുന്നതായി ഡോക്ട്രിൻ & സ്ട്രാറ്റജി കൺസൾട്ടിംഗ് പ്രസിഡന്റും മുൻ ഡിഐഎ ഇന്റലിജൻസ് ഓഫീസറുമായ റെബേക്ക കോഫ്‌ലർ ഫോക്സ് പറഞ്ഞു.