ചക്കപ്പഴത്തിലെ സുമ, നടന്‍ റാഫി വിവാഹിതന്‍ ആകുന്നു

ചക്കപ്പഴം പരമ്പരയിലെ താരങ്ങള്‍ മലയാളികള്‍ക്ക് ഏറെ പ്രിയപ്പെട്ടവരാണ്. ശ്രീകുമാര്‍, അശ്വതി ശ്രീകാന്തത്, ശ്രുതി രജനികാന്ത്, സബീറ്റ, റാഫി തുടങ്ങിയവരാണ് താരങ്ങല്‍. ടിക് ടോക് വീഡിയോ കളിലൂടെ ശ്രദ്ധേയനായ റാഫി ചക്കപ്പഴത്തിലും തമാശയുടെ അമിട്ട് പൊട്ടിക്കുകയാണ്. പരമ്പരയില്‍ സുമേഷ് എന്ന കഥാപാത്രത്തെയാണ് റാഫി അവതരിപ്പിക്കുന്നത്. ഏട്ടത്തിയുടെ പ്രിയപ്പെട്ടവനായും പൈങ്കിളിയ്ക്കും ഏട്ടനും സ്ഥിരം പാര പണിയുന്നവനായുമെല്ലാം റാഫി കൈയ്യടി നേടുകയാണ്. സ്വാഭാവികതയുള്ള അഭിനയമാണ് റാഫിയുടെ സുമേഷിനെ പ്രേക്ഷകരുടെ പ്രിയപ്പെട്ട സുമയാക്കി മാറ്റിയത്.

റാഫിയുടെ ജീവിതത്തില്‍ ഒരു സന്തോഷം കടന്നു വരുന്നു എന്നാണ് പുതിയ വാര്‍ത്ത. റാഫി വിവാഹിതന്‍ ആകാന്‍ ഒരുങ്ങുന്നു എന്നാണ് പുറത്ത് എത്തുന്ന റിപ്പോര്‍ട്ടുകള്‍. ടിക് ടോക് വീഡിയോകളിലൂടെ പ്രശസ്തനായ മഹീനയാണ് റാഫിയുടെ വധു എന്നാണ് സോഷ്യല്‍ മീഡിയയില്‍ പ്രചരിക്കുന്ന വാര്‍ത്തകള്‍. വിവാഹ വാര്‍ത്തകളോട് റാഫി പ്രതികരിച്ചിട്ടില്ല. അതേസമയം റാഫിയുമൊത്തുള്ള ചിത്രങ്ങള്‍ നേരത്തെ മഹീന സോഷ്യല്‍ മീഡിയയില്‍ പങ്കുവച്ചിരുന്നു.

റാഫിയുടെ വിവാഹ വാര്‍ത്ത സോഷ്യല്‍ മീഡിയകളില്‍ നിറഞ്ഞ് നില്‍ക്കുകയാണ്. നിരവധി പേരാണ് താരത്തിന് ആശംസകള്‍ അറിയിച്ചി രംഗത്ത് എത്തിയിരിക്കുന്നത്. വിവാഹ വാര്‍ത്തകള്‍ റാഫി സ്ഥിരീകരിച്ചിട്ടില്ലെങ്കിലും ആശംസകള്‍ക്ക് യാതൊരു കുറവുമില്ല.