ജനങ്ങളുടെ വിശ്വാസത്തെ ഫുട്‌ബോള്‍ തട്ടുന്നത് പോലെ തെറിപ്പിക്കരുത്, വോട്ട് രേഖപ്പെടുത്തി രഹ്ന ഫാത്തിമയുടെ കുറിപ്പ്

വോട്ടിനെ ഫുട്‌ബോള്‍ പോലെ തട്ടി തെറിപ്പിക്കരുതെന്ന് രഹ്ന ഫാത്തിമ. വോട്ട് വിശ്വാസമാണ്. ജനങ്ങളുടെ വിശ്വാസത്തെ ഫുട്‌ബോള്‍ തട്ടുന്നത് പോലെയിട്ട് തട്ടരുതെന്ന് ആക്ടിവിസ്റ്റ് രഹ്ന ഫാത്തിമ ഫേസ്ബുക്ക് പോസ്റ്റിലൂടെ പങ്കുവെച്ചു. വോട്ട് രേഖപ്പെടുത്തിയ ശേഷം ഫേസ്ബുക്കില്‍ പങ്കുവെച്ച പോസ്റ്റിലൂടെയാണ് രഹ്ന ഇക്കാര്യം വ്യക്തമാക്കിയത്. ജനങ്ങളെ അവരുടെ വിശ്വാസത്തെ പ്രതീക്ഷയെ ഫുട്‌ബോള്‍ തട്ടുന്നത് പോലെയിട്ട് തട്ടരുത്. തെറ്റുകള്‍ തിരുത്തണം- രഹ്ന കുറിച്ചു. ഇന്ത്യന്‍ ഭരണഘടനയുടെ ആമുഖം പങ്കുവെച്ചുകൊണ്ടായിരുന്നു രഹ്നയുടെ കുറിപ്പ്.

ഫേസ്ബുക്ക് പോസ്റ്റ് ഇങ്ങനെ:

ജനങ്ങളെ അവരുടെ വിശ്വാസത്തെ പ്രതീക്ഷയെ ഫുട്‌ബോള്‍ തട്ടുന്നത് പോലെയിട്ട് തട്ടരുത്. തെറ്റുകള്‍ തിരുത്തണം.

ഇന്ത്യന്‍ ഭരണഘടന ആമുഖം ഇപ്രകാരമാണ്:

‘നമ്മള്‍, ഭാരതത്തിലെ ജനങ്ങള്‍, ഇന്ത്യയെ ഒരു പരമാധികാര-സ്ഥിതിസമത്വ-മതനിരപേക്ഷ-ജനാധിപത്യ-റിപ്പബ്ലിക്കായി സംവിധാനം ചെയ്യുന്നതിനും ഇന്ത്യയിലെ എല്ലാ പൗരന്മാര്‍ക്കും സാമൂഹികവും സാമ്ബത്തികവും രാഷ്ട്രീയവുമായ നീതി, ചിന്ത, ആശയാവിഷ്‌കാരം, വിശ്വാസം, ഭക്തി, ആരാധന എന്നിവയ്ക്കുള്ള സ്വാതന്ത്ര്യം, സ്ഥാനമാനങ്ങള്‍, അവസരങ്ങള്‍ എന്നിവയിലുള്ള സമത്വം, എന്നിവ ഉറപ്പുവരുത്തുന്നതിനും വ്യക്തിയുടെ അന്തസ്സും രാഷ്ട്രത്തിന്റെ ഐക്യവും അഖണ്ഡതയും ഉറപ്പുവരുത്തുന്ന ഭ്രാതൃഭാവം എല്ലാവരിലും വളര്‍ത്തുന്നതിനും ദൃഢനിശ്ചയം ചെയ്തുകൊണ്ട് നമ്മുടെ ഭരണഘടനാസഭയില്‍വച്ച്, 1949 നവംബറിന്റെ ഈ ഇരുപത്തിയാറാം ദിവസം, ഈ ഭരണഘടനയെ ഏതദ്ദ്വാരാ അംഗീകരിക്കുകയും അധിനിയമമാക്കുകയും നമുക്കായിത്തന്നെ സമര്‍പ്പിക്കുകയും ചെയ്യുന്നു.’ ഓര്‍മ്മവേണം ഈ വാക്കുകള്‍.