ന്യൂഡൽഹി . മാനനഷ്ടക്കേസിൽ ശിക്ഷിക്കപ്പെട്ട കോൺഗ്രസ് നേതാവ് രാഹുൽ ഗാന്ധി എംപി സ്ഥാനത്തിന് അയോഗ്യനായിക്കഴിഞ്ഞെന്നു നിയമ വിദഗ്ധർ. കുറ്റക്കാരനായി കോടതി കണ്ടെത്തിയ വിധി സ്റ്റേ ചെയ്താലേ രാഹുൽ ഗാന്ധിക്ക് എംപിയായി തുടരാനാകൂ എന്നതാണ് നിയമ വിദഗ്ധർ ഇത് സംബന്ധിച്ച് നൽകുന്ന വിശദീകരണം. ഇപ്പോൾ രാഹുൽ ഗാന്ധിയുടെ ശിക്ഷ നടപ്പാക്കുന്നത് മരവിപ്പിക്കുക മാത്രമാണ് കോടതി ചെയ്തിട്ടുള്ളത്. അതായത് ശിക്ഷ മരവിപ്പിച്ചതുകൊണ്ട് അയോഗ്യത ഇല്ലാതാകുന്നില്ല എന്നതാണ് വാസ്തവം.
രാഹുലിനെ ശിക്ഷിച്ചിരിക്കുന്ന ഉത്തരവ് മേൽക്കോടതി സ്റ്റേ ചെയ്താൽ മാത്രമേ രാഹുൽ ഗാന്ധിക്ക് എംപിയായി തുടരാനാകൂ. അതേസമയം, മേൽക്കോടതി രണ്ടു വര്ഷത്തെ ശിക്ഷ ശരിവച്ചാല് വയനാട്ടിൽ നിന്നുള്ള എംപി രാഹുല് ഗാന്ധി ലോക്സഭയില്നിന്ന് അയോഗ്യനാകുമെന്നാ യിരുന്നു ആദ്യം പുറത്ത് വന്ന വിവരങ്ങൾ. മജിസ്ട്രേട്ട് കോടതിയുടെ വിധിയോടെ തന്നെ രാഹുൽ ഗാന്ധി അയോഗ്യനായി കഴിഞ്ഞെന്നാണ് ഇപ്പോൾ നിയമ വിദഗ്ധർ പറയുന്നത്.
ലോക്സഭാ തിരഞ്ഞെടുപ്പ് പ്രചാരണത്തിനിടെ 2019 ൽ, മോദി എന്ന പേരിനെക്കുറിച്ചു പരാമർശിച്ച സംഭവത്തിനാണ് സൂറത്ത് ചീഫ് മജിസ്ട്രേട്ട് കോടതി രാഹുൽ ഗാന്ധിയെ രണ്ടു വർഷത്തെ തടവിനു ശിക്ഷിച്ചിരിക്കുന്നത്. ഐപിസി 499, 500 വകുപ്പുകള് അനുസരിച്ച് രാഹുല് കുറ്റക്കാരനാണെന്നു കോടതി വിധിക്കുകയാണ് ഉണ്ടായത്. തുടര്ന്ന് ജാമ്യം അനുവദിച്ച കോടതി അപ്പീല് നല്കാന് 30 ദിവസത്തേക്ക് ശിക്ഷ നടപ്പാക്കുന്നത് മരവിപ്പിക്കുകയും ആണ് ഉണ്ടായത്.
രാഹുല് വിധി പറയുമ്പോള് കോടതിയിലുണ്ടായിരുന്നു. വിവാദ വജ്ര വ്യാപാരി നീരവ് മോദി, ഐപിഎൽ മുൻ ചെയർമാൻ ലളിത് മോദി എന്നിവരെ പരാമർശിച്ച് എല്ലാ കള്ളൻമാർക്കും മോദി എന്നു പേരുള്ളത് എന്തുകൊണ്ടാണ് എന്നായിരുന്നു രാഹുലിന്റെ പരാമർശം. ബിജെപി നേതാവ് പൂർണേഷ് മോദിയാണ് ഇതിനെതിരെ കോടതിയെ സംഭവത്തിൽ കോടതിയെ സമീപിച്ചിരുന്നത്.
പ്രധാനമന്ത്രി നരേന്ദ്ര മോദിയെ ലക്ഷ്യം വച്ച് 2019 ഏപ്രിൽ 13നാണ് രാഹുൽ ഗാന്ധിയുടെ പരമാർശം ഉണ്ടാവുന്നത്. ‘എല്ലാ കള്ളന്മാരുടെയും പേരിൽ മോദി എന്നുണ്ട്. നീരവ് മോദി, ലളിത് മോദി, നരേന്ദ്ര മോദി. എന്താണ് ഈ കള്ളന്മാർക്കെല്ലാം മോദി എന്നു പേരു വരുന്നത്. ഇനിയും തിരഞ്ഞാൽ കൂടുതൽ മോദിമാരുടെ പേരുകൾ പുറത്തുവരും’ രാഹുൽ ഗാന്ധി പറഞ്ഞിരുന്നു. കാവൽക്കാരൻ 100 ശതമാനവും കള്ളനാണെന്നു പറഞ്ഞിരുന്ന രാഹുൽ, മോദി ചങ്ങാത്ത മുതലാളിത്തമാണ് ഇഷ്ടപ്പെടുന്നതെന്നും കുറ്റപ്പെടുത്തുകയുണ്ടായി.
നീണ്ട ഇരുപത്തിയേഴു വർഷങ്ങള്ക്ക് ശേഷം കഴിഞ്ഞ ദിവസം കൊച്ചിയിൽ നടന്ന താരസംഘടന അമ്മയുടെ വാർഷിക ജനറൽ ബോഡി മീറ്റിങ്ങിൽ പങ്കെടുത്ത…
മെൽബൺ∙ വിമാനത്തിനുള്ളിൽ യുവതി കുഴഞ്ഞുവീണു മരിച്ചു. ഇന്ത്യയിലുള്ള കുടുംബത്തെ സന്ദർശിക്കാനായി യാത്രതിരിച്ച മൻപ്രീത് കൗർ (24) ആണ് മരിച്ചത്. നാല്…
വള്ളിക്കുന്ന് ∙ വിവാഹച്ചടങ്ങിൽ നൽകിയ വെൽകം ഡ്രിങ്കിൽ നിന്ന് രോഗവ്യാപനം. വള്ളിക്കുന്നിൽ 238 പേർക്ക് മഞ്ഞപ്പിത്തം. മലപ്പുറം ജില്ലയിൽ ഇതോടെ…
തലശ്ശേരി: 20 ലിറ്റർ ( 30 കുപ്പി ) മാഹി മദ്യവുമായി മധ്യവയസ്കൻ തലശ്ശേരി എക്സൈസിൻ്റെ പിടിയിൽ. മാടപ്പീടികയിൽ വാഹന…
തൃശ്ശൂർ : പാലിയേക്കര ടോൾ പ്ലാസയിൽ ടിപ്പർ ലോറി കാറിനെ നിരക്കി കൊണ്ടുപോയ സംഭവത്തിൽ ലോറി ഡ്രൈവറുടെ ലൈസൻസ് എൻഫോസ്മെന്റ്…
കോഴിക്കോട്: കൊയിലാണ്ടി ഗുരുദേവ കോളേജില് ബിരുദപ്രവേശനത്തിന്റെ ഭാഗമായി എസ്.എഫ്.ഐ. ഹെല്പ്ഡെസ്ക് സ്ഥാപിക്കുന്നതുമായി ബന്ധപ്പെട്ട തര്ക്കം സംഘർഷത്തിലെത്തി. പ്രിന്സിപ്പലിനെയും അധ്യാപകനെയും എസ്.എഫ്.ഐ.…