മോഡേണ്‍ ഗെറ്റപ്പില്‍ രജനി ചാണ്ടി, വൈറലായി ചിത്രങ്ങള്‍

മലയാളികളുടെ പ്രിയപ്പെട്ട നടിയാണ് രജനി ചാണ്ടി. ജൂഡ് ആന്തണി ജോസഫ് ഒരുക്കിയ ഒരു മുത്തശ്ശി ഗദ എന്ന ചിത്രത്തിലൂടെയാണ് താരം അഭിനയ രംഗത്ത് എത്തുന്നത്. ചിത്രത്തിലെ തകര്‍പ്പന്‍ പ്രകടനത്തിലൂടെ നടി വളരെ പെട്ടെന്ന് തന്നെ ശ്രദ്ധിക്കപ്പെട്ടു. ബിഗ്‌ബോസ് മലയാളം സീസണ്‍ രണ്ടിലെ മത്സരാര്‍ത്ഥി കൂടി ആയതോടെ താരത്തിന് ആരാധകര്‍ വര്‍ദ്ധിച്ചു. ബിഗ്‌ബോസിലെ മലയാളം രണ്ടാം സീസണില്‍ ഏറ്റവും പ്രായം ഏറിയ മത്സരാര്‍ത്ഥിയും രജനി ചാണ്ടി ആയിരുന്നു.

ഇപ്പോള്‍ സോഷ്യല്‍ മീഡിയകളില്‍ വൈറല്‍ ആകുന്നത് രജനി ചാണ്ടിയുടെ ഏറ്റവും പുതിയ ഫോട്ടോഷൂട്ട് ചിത്രങ്ങളാണ്. ആതിര ജോയ് എന്ന ഫോട്ടോഗ്രഫറാണ് ചിത്രങ്ങള്‍ പകര്‍ത്തിയിട്ടുള്ളത്. കിടിലന്‍ മോഡേണ്‍ ഗെറ്റപ്പിലാണ് രജനി പ്രത്യക്ഷപ്പെട്ടിട്ടുള്ളത്. സ്ത്രീ ശാക്തീകരണം മുന്‍നിര്‍ത്തിയുള്ള ഫോട്ടോഷൂട്ടിലാണ് രാജിനി ചാണ്ടിയുടെ കിടിലന്‍ മേക്കോവര്‍.

ചിത്രങ്ങള്‍ക്ക് പിന്നാലെ കമന്റുകളുമായി ബിഗ് ബോസ് സഹതാരങ്ങളും എത്തിയിരുന്നു. ആര്യ, എലീന പടിക്കല്‍, ആര്‍ജെ രഘു തുടങ്ങിയവരാണ് കമന്റുകളുമായി എത്തിയത്. സോഷ്യല്‍ മീഡിയകളില്‍ രജനി ചാണ്ടിയുടെ മോഡേണ്‍ ഫോട്ടോഷൂട്ട് ചീത്രങ്ങള്‍ ഇതിനോടകം തന്നെ ഏറെ വൈറല്‍ ആയി കഴിഞ്ഞു.