റഷ്യൻ പ്രതിരോധമന്ത്രി സെർജി ഷോയിഗുവുമായി കൂടിക്കാഴ്ച നടത്തി രാജ്‌നാഥ് സിംഗ്

റഷ്യൻ പ്രതിരോധമന്ത്രി സെർജി ഷോയിഗുവുമായി കൂടിക്കാഴ്ച നടത്തി പ്രതിരോധമന്ത്രി രാജ്‌നാഥ് സിംഗ്. ഷാങ്ഹായ് കോ-ഓപ്പറേഷൻ ഓർഗനൈസേഷ നിലെ (എസ്സിഒ) പ്രതിരോധ മന്ത്രിമാരുടെ യോഗത്തോടനുബന്ധിച്ചാണ് കൂടിക്കാഴ്ച്ച നടന്നത്. യോഗത്തിൽ മന്ത്രിമാർ തമ്മിൽ ഉഭയകക്ഷി കരാറുകളിൽ ചർച്ചകൾ നടന്നു.

സൈനിക ബന്ധങ്ങളും വ്യാവസായിക പങ്കാളിത്തവും ഉൾപ്പെടെ ഉഭയകക്ഷി പ്രതിരോധ സഹകരണത്തിന്റെ വിപുലമായ വിഷയങ്ങൾ ഇരുവരും ചർച്ച ചെയ്യുകയുണ്ടായി. യുക്രെയ്ൻ സംഘർഷം സൃഷ്ടിച്ച ഭൗമ-രാഷ്ട്രീയ പ്രക്ഷോഭത്തിനിടയിൽ ഉഭയകക്ഷി തന്ത്രപരമായ ബന്ധത്തിന്റെ വിവിധ വശങ്ങളെക്കുറിച്ചാണ് യോഗം പ്രാഥമികമായി ശ്രദ്ധ കേന്ദ്രീകരിച്ചിരുന്നത്. മേഖലയിലെ സമാധാനവും സുരക്ഷയും സംബന്ധിച്ച കാര്യങ്ങളും വിശകലനം ചെയ്തതായി ഉദ്യോഗസ്ഥർ പറഞ്ഞിട്ടുണ്ട്.

ഇരു രാജ്യങ്ങൾക്കും ഇടയിൽ, പ്രത്യേകിച്ച് പ്രതിരോധത്തിൽ തുടരുന്ന വിശ്വാസത്തിലും പരസ്പര ബഹുമാനത്തിലും പ്രതിരോധ മന്ത്രിമാർ സംതൃപ്തി പ്രകടിപ്പിച്ചു. തുടർന്നും പങ്കാളിത്തം ശക്തിപ്പെടുത്തുന്നതിനുള്ള തങ്ങളുടെ പ്രതിബദ്ധത ആവർത്തിക്കുകയും ഉണ്ടായി. ‘മേക്ക് ഇൻ ഇന്ത്യ’ സംരംഭത്തിൽ റഷ്യൻ പ്രതിരോധ വ്യവസായത്തിന്റെ പങ്കാളിത്തത്തെക്കുറിച്ചും കൂടുതൽ ഉത്തേജനം നൽകുന്നതിനുള്ള വഴികളെക്കുറിച്ചും ഇരുവരും ചർച്ച ചെയ്തു. പ്രതിരോധ മന്ത്രി, ഉസ്‌ബെക്ക് കൗണ്ടർ ലെഫ്റ്റനന്റ് ജനറൽ കുർബനോവ് ബഖോദിർ നിസാമോവിച്ചുമായി പ്രത്യേക ഉഭയകക്ഷി കൂടിക്കാഴ്ചയും നടത്തുകയുണ്ടായി.