കോവിഡ് പ്രതിരോധം കേരളത്തിനു കപ്പ് കിട്ടി എന്ന് രമേശ് ചെന്നിത്തല, ദേശീയ ശരാശരിയേക്കാൾ രോഗ വ്യാപനം

ദേശീയ ശരാശരിയേക്കാൾ വേഗത്തിൽ കേരളത്തിൽ കോവിഡ് പടരുന്നതിനെതിരെ സർക്കാരിനെതിരെ പ്രതിപക്ഷ നേതാവിന്റെ വിമർശനം.ആരോഗ്യ മന്ത്രിക്കും കൂട്ടർക്കും ഇപ്പോൾ കപ്പ് കിട്ടിയിരിക്കുകയാണ്‌.കോവിഡ് പ്രതിരോധ പ്രവർത്തനത്തിനു കേരളത്തിനു കപ്പ് കിട്ടി.മാരത്തോൺ ഓടേണ്ട ഒരു മൽസരത്തിൽ 100മീറ്റർ ഓടി ഓട്ടം നിർത്തിയവർ ഇപ്പോൾ കപ്പ് വാങ്ങിയിരിക്കുന്നു എന്നും അദ്ദേഹം പരിഹസിച്ചു.

പി.ആർ വർക്കും 54പത്രങ്ങളിൽ പൊങ്ങച്ച പരസ്യങ്ങളും കൊടുത്തിട്ട് ഇപ്പോൾ എന്തായി എന്നും ഇത്തരത്തിൽ രോഗ വ്യാപനം കേരളത്തിൽ ഉണ്ടായത് സർക്കാരിന്റെ കഴിവുകേട് കൊണ്ട് മാത്രമാണെന്നും രമേശ് ചെന്നിത്തല പറഞ്ഞു.

കോവിഡ് കേരളത്തിൽ പടരുന്നത് ദേശീയ ശരാശരിയേക്കാൾ വേഗത്തിൽ.ഞെട്ടിപ്പിക്കുന്ന കണക്കുകളാണ് ഇപ്പോള്‍ പുറത്തുവരുന്നത്.സെപ്റ്റംബര്‍ 19വരെയുള്ള കണക്ക് പ്രകാരം കേരളത്തിലെ കോവിഡ് പോസിറ്റിവിറ്റി റേറ്റ് 9.1ശതമാനമാണ്.ദേശീയ തലത്തില്‍ കോവിഡ് പോസിറ്റിവിറ്റി റേറ്റ് 8.7ശതമാനവും.എന്നാല്‍,നേരത്തെ ജൂണ്‍ ഒന്ന് മുതല്‍ 13വരെയുള്ള ദിവസങ്ങളില്‍ രാജ്യത്തെ പോസിറ്റിവിറ്റി റേറ്റ് 7.4ശതമാനം ആയിരുന്നപ്പോള്‍ കേരളത്തിലേത് 1.6ശതമാനം മാത്രമായിരുന്നു