പുതിയ ഫോട്ടോയുമായി പിഷാരടി, കാലെവിടെപ്പോയെന്ന സംശയവുമായി ആരാധകർ

നടൻ, അവതാരകൻ, മിമിക്രി താരം, സംവിധായകൻ എന്നീ നിലകളിൽ ശ്രദ്ധയനായ താരമാണ് രമേശ് പിഷാരടി. അടുത്തിടെ കോൺ​ഗ്രസിന്റെ അം​ഗത്വം സ്വീകരിച്ച താരം പ്രചരണ പരിപാടികളിൽ സജീവമായിരുന്നു. സുഹൃത്ത് ധർമ്മജനൊപ്പം റോഡുഷോകളിലൊക്കെ സജീവമായി പങ്കെടുക്കുന്നുണ്ട്. സോഷ്യൽ മീഡിയയിൽ സജീവമായ താരത്തിന് ആരാധകർ നിരവധിയാണ്. പോസ്റ്റിനോടൊപ്പം പങ്കുവെക്കുന്ന ക്യാപ്ഷനുകളും, ഓരോ താരത്തിന്റെ പോസ്റ്റിന്റെ അടിയിൽ ഇടുന്ന കമന്റുകളും, പങ്കുവയ്ക്കുന്ന ട്രോളുകളുമൊക്കെ വൈറലാകാറുണ്ട്

ഇപ്പോഴിതാ, കുടുംബത്തോടൊപ്പമുളള ഒരു ചിത്രം പങ്കുവയ്ക്കുകയാണ് പിഷാരടി. എല്ലാവർക്കും റമസാൻ ആശംസകൾ നേർന്നുകൊണ്ടുള്ള ചിത്രത്തിനു താഴെ പതിവുപോലെ രസകരമായ കമന്റുകളുമായി ആരാധകരും എത്തിയിട്ടുണ്ട്. ഭാര്യയ്ക്കും മക്കൾക്കുമൊപ്പം ഇരിക്കുന്ന ചിത്രത്തിൽ പിഷാരടിയുടെ കാൽ എവിടെ പോയി എന്നാണ് ഒരു കൂട്ടം ആരാധകരുടെ ചോദ്യം.. കാലിലാണോ ഭാര്യയും മക്കളും ഇരിക്കുന്നതെന്ന സംശയവും ചിലർ ഉന്നയിക്കുന്നുണ്ട്. റമസാൻ ആശംസയോ? അപ്പോ വിഷു ആശംസ എവിടെ പോയി എന്നാണ് മറ്റൊരു കൂട്ടം ആരാധകരുടെ ചോദ്യം. എന്താണെങ്കിലും ചിത്രം ഇതിനോടകം വൈറലായിക്കഴിഞ്ഞു.

മമ്മൂട്ടി നായകനായി എത്തിയ ഗാനഗന്ധർവ്വൻ ആണ് ഏറ്റവും ഒടുവിലായി രമേശ് പിഷാരടി സംവിധാനം ചെയ്ത ചിത്രം. ഹാസ്യത്തിന് പ്രാധാന്യം നൽകി ഒരുക്കിയ ചിത്രത്തിൽ ഗാനമേള വേദികളിൽ അടിപൊളി പാട്ടുകൾ പാടുന്ന കലാസദൻ ഉല്ലാസ് എന്ന കഥാപാത്രത്തെയാണ് മമ്മൂട്ടി അവതരിപ്പിച്ചത്. മമ്മൂട്ടിയുടെ വേറിട്ട ഗെറ്റപ്പും സിനിമയിലെ ഗാനങ്ങൾക്കും മികച്ച പ്രതികരണമായിരുന്നു പ്രേക്ഷകരുടെ ഭാഗത്തുനിന്നും ലഭിച്ചത്.