ഇതാണോ ഭാര്യ, ഞങ്ങൾക്കിഷ്ടം ആര്യയെ ആയിരുന്നെന്ന് ഒരിക്കൽ അധ്യാപിക പറഞ്ഞു- രമേശ് പിഷാരടി

കോമഡി സ്കിറ്റുകളിലൂടെയും ടെലിവിഷൻ ഷോകളിലൂടെയും മലയാളി പ്രേക്ഷകരുടെ പ്രിയങ്കരനായി മാറിയ താരമാണ് രമേഷ് പിഷാരടി. നടനായും അവതാരകനായുമൊക്കെ തിളങ്ങിയ നടൻ സംവിധായകനായും മലയാളത്തിൽ അരങ്ങേറ്റം കുറിച്ചിരുന്നു. പഞ്ചവർണ്ണതത്ത, ഗാനഗന്ധർവ്വൻ തുടങ്ങിയ സിനിമകളിലൂടെയാണ് രമേഷ് പിഷാരടി സംവിധായകനായും തിളങ്ങിയത്.

മിമിക്രി വേദികളിൽ നിന്നും സിനിമയിലെത്തിയ താരത്തിന് നിരവധി ആരാധകരാണുളളത്. കരിയറിന്റെ തുടക്കത്തിൽ ധർമ്മജനൊപ്പം പരിപാടികൾ അവതരിപ്പിച്ചുകൊണ്ടായിരുന്നു രമേഷ് പിഷാരടി ശ്രദ്ധേയനായത്. തുടർന്ന് ഇരുവരും സിനിമകളിലും തിളങ്ങുകയായിരുന്നു. സിനിമാ ത്തിരക്കുകൾക്കിടെയിലും സോഷ്യൽ മീഡിയയിലും സജീവമാകാറുളള താരമാണ് പിഷാരടി. ഇപ്പോഴിതാ ഭാര്യയുമായി സിനിമ കാണാൻ പോയപ്പോൾ ഉണ്ടായ രസകരമായ അനുഭവം പങ്കുവക്കുകയാണ്

മുമ്പൊരിക്കൽ തന്റെ ഭാര്യയുമൊത്തു തിയേറ്ററിൽ പോയപ്പോൾ ഉണ്ടായ ഒരു അനുഭവം പിഷാരടി പരിപാടിക്കിടെ പങ്കുവയ്ക്കുകയുണ്ടായി. ഭാര്യയുമൊത്തു തിയേറ്റിൽ പോയപ്പോൾ ഒരു അധ്യാപിക വന്നു പിഷാരടിയോടു ചോദിച്ചു ഇതു ഭാര്യയാണോ എന്ന്. അതേ എന്ന് ഉത്തരം പറഞ്ഞതിനു പിന്നാലെ അധ്യാപിക പറഞ്ഞു ഞങ്ങൾക്കൊക്കെ ഇഷ്ടം ആര്യയേയാണ് എന്ന്. അതു കേട്ട ഭാര്യയുടെ കലി സിനിമ തീർന്നപ്പോൾ പോലും കഴിഞ്ഞിരുന്നില്ല എന്നു തമാശ രൂപേണ പിഷാരടി പറയുന്നു.ഭാര്യ സൗമ്യയ്ക്കും മൂന്ന് മക്കൾക്കുമൊപ്പമുളള ചിത്രങ്ങളായിരുന്നു നടൻ പങ്കുവെച്ചിരുന്നത്. അതേസമയം ഭാര്യയെക്കുറിച്ച് രമേഷ് പിഷാരടി മുൻപ് പറഞ്ഞ കാര്യങ്ങൾ ശ്രദ്ധേയമായി മാറിയിരുന്നു.