ധർമ്മജൻ ഈ നാട്ടുകാരനാ, കാൾമാർക്സ് ജർമൻ കാരനാ…, അയാടെ ചെങ്കൊടി അഴിച്ച് മാറ്റണം

സ്വന്തം സൃഹൃത്തായ ധര്‍മജന് വേണ്ടി പ്രചരണ രംഗത്ത് സജീവമാകുകയാണ് നടനും കൊമേഡിയനുമായ രമേശ് പിഷാരടി. ധർമ്മജൻ ബാലുശേരി ക്കാരനല്ലെന്ന് പറയുന്ന സി.പി.എമ്മിനെ നിർത്തി പൊരിച്ചിരിക്കുകയാണ് രമേശ് പിഷാരടി.

രമേശ് പിഷാരടിയുടെ വാക്കുകളിങ്ങനെ, .ഇവിടെ വന്ന സമയത്ത് നാട്ടുകാര്‍ പറഞ്ഞു ധര്‍മജന്‍ ബോള്‍ഗാട്ടി ഈ നാട്ടുകാരനല്ലെന്ന്. ഈ സിപി ഐ എം എന്നൊക്കെ പറയുന്നതില്‍ കാറല്‍ മാര്‍ക്‌സ് ജര്‍മനിക്കാരനാണ് ആ പുള്ളിയുടെ കൊടിയാണ് ഇവിടെയൊക്കെ കെട്ടി വെച്ചേക്കുന്നത്. അതിനേക്കാളും ഭേദമാണ് എറണാകുളത്തുള്ള ധര്‍മജന്‍. മഹാത്മാ ഗാന്ധി ആദ്യമായി സമരം നടത്തിയത് ആഫ്രിക്കയിലാണ്. അവിടെ നിന്നാണ് ഇവിടെ വന്ന് രാഷ്ട്രപിതാവായത്. അപ്പോള്‍ നല്ലൊരു മനുഷ്യന് നല്ലത് ചെയ്യാന്‍ നാടൊന്നും ഒരു പ്രശ്‌നമല്ല. ഒരു നാടറിയാന്‍ കേരളത്തിലെ ഏത് നാട്ടുകാരനും പറ്റും.ഒരാള്‍ സ്വന്തം നാട്ടുകാരനല്ല എന്ന് പറയുന്നത് തന്നെ വളരെ സങ്കുചിതമായ ഒരു ചിന്തയാണ്. കഴിഞ്ഞ കുറേ നാളുകളായി നല്ലതെല്ലാം നമുക്ക് വേറെയാരോ ചെയ്യുന്നു എന്ന അവസ്ഥയാണ്. അത്തരത്തിലാണ് പ്രചരണങ്ങള്‍ നടക്കുന്നത്.

പിന്നെ ഹോസ്പിറ്റല്‍ ജീവനക്കാരും പോലീസുകാരും അഹോരാത്രം പ്രവര്‍ത്തിച്ചിട്ടുണ്ട്. അവരെയൊന്നും മറക്കാന്‍ സാധിക്കില്ല. അവരുടെ അധ്വാനം അത്രയ്ക്ക് വലുതാണ് പക്ഷെ പ്രശ്‌നമതല്ല, ആര് എന്ത് ചെയ്താലും അത് നമ്മള്‍ ചെയ്‌തെന്നാണ് ചിലരുടെ പ്രചരണം നടക്കുന്നത്. അതില്‍ വീണ് പോകരുത്. ഒരു മാറ്റം ആവശ്യമാണ്. അതിന് ശ്രമിക്കുക. അതിനാല്‍ എല്ലാവരും മാറ്റത്തിനായി വോട്ട് ചെയ്യുക. എന്റെ സുഹൃത്തായ ഐക്യജനാധിപത്യ മുന്നണി സ്ഥാനാര്‍ത്ഥിയായ ധര്‍മജനെ വലിയ ഭൂരിപക്ഷത്തോടെ വിജയിപ്പിക്കണമെന്ന് ആവശ്യപ്പെടുകയാണ്.