ഇളയമകന്‍ വിഘ്‌നേഷിന്റെ പിറന്നാള്‍ ആഘോഷമാക്കി രസ്‌നയും കുടുംബവും, ചിത്രം പങ്കുവെച്ച് നീനു

പാരിജാതം എന്ന പരമ്പരയിലൂടെ പ്രേക്ഷകരുടെ പ്രിയ താരമായി മാറിയ നടിയാണ് രസ്‌ന. സീമ, അരുണ എന്നിങ്ങനെ ഇരട്ട കഥാപാത്രങ്ങളെ ആയിരുന്നു താരം പരമ്പരയില്‍ അവതരിപ്പിച്ചത്. ഇതിന് പിന്നാലെ മിനിസ്‌ക്രീന്‍ രംഗത്ത് താരം സജീവമായി. സീരിയല്‍ രംഗത്ത് തിളങ്ങി നില്‍ക്കവെയാണ് താരം അപ്രത്യക്ഷമാകുന്നത്. പിന്നീട് വിവാഹം കഴിഞ്ഞുവെന്ന വാര്‍ത്തയാണ് പുറത്തറിഞ്ഞത്. ഇപ്പോള്‍ സന്തോഷകരമായി കുടുംബജീവിതം നയിക്കുകയാണ് നടി.

രസ്‌നയ്ക്ക് പിന്നാലെ സഹോദരി നീനുവും മിനിസ്‌ക്രീനില്‍ അരങ്ങേറ്റം കുറിച്ചു. സത്യ എന്ന പെണ്‍കുട്ടിയിലൂടെ മെര്‍ഷീന എന്ന നീനുവും അരങ്ങേറ്റം കുറിച്ചത്. ഈ അടുത്ത കാലത്താണ് പരമ്പര സമീപിച്ചത്. ചേച്ചിയെ പോലെ തന്നെ അനുജത്തിയെയും പ്രേക്ഷകര്‍ ഇരു കൈകളും നീട്ടി സ്വീകരിച്ചിരുന്നു. ഇപ്പോള്‍ സോഷ്യല്‍ മീഡിയയില്‍ വൈറല്‍ ആകുന്നത് നീനുവിന്റെ ഒരു ഇന്‍സ്റ്റഗ്രാം പോസ്റ്റാണ്. കുടുംബത്തിലെ പുതിയ സന്തോഷമാണ് നീനും പ്രേക്ഷകരുമായി പങ്കുവെച്ചിരിക്കുന്നത്.

രസ്‌നയുടെ രണ്ടാമത്തെ മകന്‍ വിഘ്‌നേഷിന്റെ പിറന്നാള്‍ ചിത്രമാണ് നീനു പങ്കുവെച്ചത്. 2 വയസ്സാണ് രസ്‌നയുടെ ഇളയ മകന്. എന്റെ കുഞ്ഞ് ചെക്കന് രണ്ട് വയസ് പൂര്‍ത്തിയായിരിക്കുകയാണ്. ഇപ്പോള്‍ ഇവന്റെ ചിത്രങ്ങള്‍ പങ്കുവെയ്ക്കാന്‍ അനുമതി ലഭിച്ചത് വലിയ കാര്യമാണ് എന്ന് കുറിച്ചു കൊണ്ടാണ് വിഘ്‌നേഷിനോടൊപ്പമുള്ള ചിത്രം പങ്കുവെച്ചിരിക്കുന്നത്. അതേസമയം കുഞ്ഞിന്റെ മുഖം വെളിപ്പെടുത്തിയിട്ടില്ല. നീനുവിന്റെ തോളില്‍ കിടക്കുന്ന കുട്ടിയുടെ ചിത്രമാണ് പങ്കുവെച്ചിരിക്കുന്നത്. ആരാധകരും കുഞ്ഞ് വിഘ്‌നേഷിന് പിറന്നാള്‍ ആശംസ നേര്‍ന്ന് രംഗത്ത് എത്തിയിട്ടുണ്ട്.

ഇനി അഭിനയത്തിലേക്ക് മടങ്ങി വരില്ലെന്ന് രസ്‌ന ഒരു അഭിമുഖത്തില്‍ വ്യക്തമാക്കിയിരുന്നു. മക്കള്‍ രണ്ടുപേരുടെയും കാര്യം ഞാന്‍ തന്നെ നോക്കണം. അല്ലാതെ ഒന്നും ശരിയാകില്ല. ഭര്‍ത്താവ് ജോലി തിരക്കുകളില്‍ ആണ്. അപ്പോള്‍ അദ്ദേഹത്തിനും ഒരു പിന്തുണയുടെ ആവശ്യം ഉണ്ടെന്നും. അഭിനയത്തിനെക്കാളും കുടുംബത്തിന് ആണ് പ്രധാന്യം കൊടുക്കുന്നതെന്നും നടി പറഞ്ഞിരുന്നു.