കൊലയ്ക്ക് കാരണം വ്യക്തിപരമായ വൈരാഗ്യം, തനിക്കെതിരെയുണ്ടായ അക്രമണം പാർട്ടി ചെറുത്തില്ല പ്രതിയുടെ മൊഴി

കൊയിലാണ്ടി. സിപിഎം കൊയിലാണ്ടി സെന്‍ട്രല്‍ ലോക്കല്‍ സെക്രട്ടറി പിവി സത്യനാഥിനെ കൊലപ്പെട്ടുത്തിയ കേസില്‍ അറസ്റ്റിലായ പ്രതി അഭിലാഷിന്റെ മൊഴി പുറത്തുവന്നു. കൊലയ്ക്ക് കാരണം വ്യക്തിപരമായ വൈരാഗ്യമാണെന്നും തനിക്കെതിരെ ഉണ്ടായ പല അക്രമണങ്ങളും പാര്‍ട്ടി ചെറുത്തില്ലെന്നും പ്രതി അഭിലാഷ് പോലീസിനോട് പറയുന്നു.

അതേസമയം കൊലപാതകം നടത്താന്‍ ഉപയോഗിച്ച ആയുധം പോലീസ് കണ്ടെത്തി. കൃത്യം നടന്ന സ്ഥലത്തിന് സമീപത്ത് തന്നെയാണ് ആയുധം കണ്ടെത്തിയത്. മൂര്‍ച്ചയേറിയ കത്തിഉപയോഗിച്ചാണ് കൊല നടത്തിയത്. വടകര സിവൈഎസ്പിയുടെ നേതൃത്വത്തിലുള്ള 14 അംഗ സംഘമാണ് കേസ് അന്വേഷിക്കുന്നത്.

അതേസമയം സത്യനാഥിന്റെ ശരീരത്തില്‍ മൂന്ന് വലിയ മുറിവുകളാണ് ഉണ്ടായിരുന്നത്. കഴുത്തിലേറ്റ ആഴത്തിലുള്ള മുറിവാണ് മരണകാരണം എന്ന് പോസ്റ്റുമോര്‍ട്ടം റിപ്പോര്‍ട്ടിലുണ്ട്. വ്യാഴാഴ്ച രാത്രി പത്തുമണിയോടെയാണ് സത്യനാഥന് വെട്ടേറ്റത്.