മന്ത്രിമാർക്കും എം എൽ എ മാർക്കും രാജകീയ ജീവിതത്തിന് അലവൻസുകളും ആനുകൂല്യങ്ങളും വർധിപ്പിക്കാൻ ശുപാർശ

തിരുവനന്തപുരം. കടുത്ത സാമ്പത്തിക പ്രതിസന്ധിയിൽ കേരളം നട്ടം തിരിയുമ്പോൾ സംസ്ഥാനത്തെ മന്ത്രിമാരുടെയും എംഎൽഎമാരുടെയും അലവൻസുകളും ആനുകൂല്യങ്ങളും വർധിപ്പിക്കാൻ ശുപാർശയുമായി പിണറായി സർക്കാർ. സർക്കാരും ജനങ്ങളും കഷ്ടത്തിലാണെങ്കിലും രാജകീയ സൗകര്യം നൽകുകയാണ് മന്ത്രിമാർക്കും എം എൽ എ മാർക്കും. 70,000രൂപയാണ് എംഎൽഎയുടെ ശമ്പളം.

35 ശതമാനം വരെ വർധനയാണു ജസ്റ്റിസ് രാമചന്ദ്രൻ നായർ കമ്മിഷൻ സമർപ്പിച്ച റിപ്പോർട്ടിൽ പറഞ്ഞിരുന്നത്. ഇതിനായി 2022 ജൂലൈയിലാണ് കമ്മിഷനെ നിയമിച്ചിരുന്നത്. ശമ്പളവർധന കമ്മിഷൻ ശുപാർശ ചെയ്തിട്ടില്ലെങ്കിലും, യാത്രാ ചെലവ്, ടെലഫോൺ ചെലവ്, ചികിത്സാ ചെലവ് തുടങ്ങിയവയിൽ കാലോചിത മാറ്റം വേണമെന്ന ശുപാർശയിലാണ് മന്ത്രിസഭായോഗം തീരുമാനമെടുക്കാനിരിക്കുന്നത്.

എംഎൽഎമാർക്ക് താഴെ പറയുന്ന ആനുകൂല്യങ്ങൾ ആണ് ശുപാർശ ചെയ്തിരിക്കുന്നത്. പ്രതിമാസ സ്ഥിര അലവൻസ്– 2,000 രൂപ, മണ്ഡലം അലവൻസ്– 25,000 രൂപ, ടെലിഫോൺ അലവൻസ്– 11,000 രൂപ, ഇൻഫർമേഷൻ അലവൻസ്– 4,000 രൂപ, മറ്റ് ആവശ്യങ്ങൾക്കുള്ള ചെലവുകൾ– 8,000 രൂപ,മിനിമം പ്രതിമാസ ടിഎ– 20,000 രൂപ, സ്വകാര്യ വാഹനത്തിൽ ഇന്ധനം നിറയ്ക്കാൻ ഒരു വർഷത്തേക്ക്– 3 ലക്ഷം രൂപ, നിയമസഭാ സമ്മേളനം ഉൾപ്പെടെയുള്ള ഔദ്യോഗിക യോഗങ്ങളിൽ പങ്കെടുക്കുമ്പോൾ അലവൻസ്– കേരളത്തിനകത്ത് ദിവസം– 1000 രൂപ, ചികിത്സാ ചെലവ് മുഴുവൻ റീ ഇംബേഴ്സ്മെന്റ്, പലിശരഹിത വാഹന വായ്പ– 10 ലക്ഷം രൂപ വരെ, ഭവന വായ്പ അഡ്വാൻസ്– 20 ലക്ഷം രൂപ, പുസ്തകങ്ങൾ വാങ്ങാൻ പ്രതിവർഷം– 15.000 രൂപ,