നാല് ഭര്‍ത്താക്കന്മാര്‍ ജീവിതത്തില്‍ കടന്നു വന്നെങ്കിലും പ്രണയിച്ചത് ഒരേ ഒരാളെ, രേഖ രതീഷ് പറയുന്നു

മലയാള മിനിസ്‌ക്രീന്‍ പ്രേക്ഷകരുടെ പ്രിയ നടിയാണ് രേഖ രതീഷ്. പല സീരിയലുകളിലായി വ്യത്യസ്തമായ കഥാപാത്രങ്ങള്‍ താരം അവതരിപ്പിച്ചു കഴിഞ്ഞു. ഇപ്പോഴും ഏറെ സജീവമാണ് നടി. തുടക്കസമയം വില്ലത്തി വേഷങ്ങളിലൂടെ തിളങ്ങിയ രേഖ ഇപ്പോള്‍ അമ്മ വേഷങ്ങളിലേക്ക് തിരിഞ്ഞിരിക്കുകയാണ്. സോഷ്യല്‍ മീഡിയകളിലും നടി സജീവമാണ്. രേഖ പങ്കുവെയ്ക്കുന്ന ചിത്രങ്ങളും മറ്റ് വിശേഷങ്ങളുമൊക്കെ വളരെ പെട്ടെന്ന് വൈറലായി മാറാറുമുണ്ട്.

ഇപ്പോള്‍ ഒരു മാധ്യമത്തിന് നല്‍കിയ അഭിമുഖത്തില്‍ രേഖ പറഞ്ഞ വാക്കുകളാണ് ശ്രദ്ധേയമാകുന്നത്. തന്റെ സ്വകാര്യ ജീവിതത്തെ കുറിച്ചാണ് രേഖ തുറന്ന് പറഞ്ഞത്. അച്ഛനും അമ്മയും പിരിഞ്ഞതിനാല്‍ ഒറ്റക്കായ അവസ്ഥ ആയിരുന്നു എന്നും പിന്നീട് സംഭവിച്ച വിവാഹങ്ങള്‍ എല്ലാം തന്നെ അബദ്ധം ആയിരുന്നു എന്നും രേഖ പറയുന്നു.

രേഖയുടെ വാക്കുകള്‍ ഇങ്ങനെ, ‘എല്ലാവര്‍ക്കും എന്റെ പണം വേണമായിരുന്നു. എന്നാല്‍ ആരും എന്നെ യഥാര്‍ത്ഥമായി സ്‌നേഹിച്ചിട്ടില്ല. ഞാന്‍ പ്രണയിച്ചത് ഒരാളെ മാത്രമാണ് അതും എന്റെ ആദ്യ ഭര്‍ത്താവിനെ. അത്ര കടുത്ത പ്രണയം ആയിരുന്നു അയാളോട്. പിന്നീട് മൂന്നു പേര്‍ കൂടി കടന്ന് വന്നു എങ്കിലും അവരാരോടും അത്ര പ്രണയം തോന്നിയിട്ടില്ല. കഴിഞ്ഞ എട്ട് വര്‍ഷമായി എന്റെ കുഞ്ഞിന് വേണ്ടി മാത്രമാണ് ഞാന്‍ ജീവിക്കുന്നത്.

ഞങ്ങള്‍ സന്തോഷത്തോടെ ആണ് കഴിയുന്നത് പതിനെട്ടാം വയസില്‍ ആണ് തന്റെ ആദ്യ വിവാഹം. യൂസഫ് എന്ന വ്യക്തിയെ ആണ് വിവാഹം ചെയ്തത്. എന്നാല്‍ ആ ബന്ധം അധികനാള്‍ നീണ്ട് നിന്നില്ല. പിന്നീട് നടന്‍ നിര്‍മല്‍ പ്രകാശിനെ വിവാഹം ചെയ്തു. എന്നാല്‍ അദ്ദേഹത്തിന്റെ മരണത്തോടെ ആ ബന്ധവും അവസാനിച്ചു. അതില്‍ പിന്നെ കമല്‍ റോയ് എന്നയാളെ വിവാഹം ചെയ്തു. അതും അവസാനിച്ചതോടെ അഭിഷേകിനെ വിവാഹം ചെയ്തു. ഈ ബന്ധത്തില്‍ അയാന്‍ എന്നൊരു മകനുണ്ട്’.