നാട്ടിൽ എത്തിച്ച പ്രവാസിയുടെ മൃതദേഹം വീട്ടുകാർ ഏറ്റെടുക്കാൻ തയ്യാറായില്ല, പരാതിയുമായി യുവതി

കോട്ടയം: ഗള്‍ഫില്‍ മരിച്ച നിലയിൽ കണ്ടെത്തിയ പ്രവാസിയുടെ മൃതദേഹം നാട്ടിലെത്തിച്ചിട്ടും ഏറ്റെടുക്കാൻ വീട്ടുകാർ വിസമ്മതിച്ചതായി പരാതി. കോട്ടയം ഏറ്റുമാനുര്‍ സ്വദേശിയായ ജയകുമാറിന്റെ മൃതദേഹം ബന്ധുക്കൾ ഏറ്റെടുക്കുന്നില്ലെന്നാണ് ലക്ഷദ്വീപ് സ്വദേശിയായ യുവതിയുടെ പരാതി. ജയകുമാര്‍ ലക്ഷദ്വീപ് സ്വദേശിയായ യുവതിയുമായി നാല് വര്‍ഷമായി സൗഹൃദത്തിലായിരുന്നു.

ഇയാളുടെ ആദ്യ വിവാഹബന്ധം വേര്‍പ്പെടുത്തുന്നതുമായി ബന്ധപ്പെട്ട കേസ് കോടതിയുടെ പരിഗണനയിലാണ്.
ഏഴ് ദിവസം മുൻപാണ് ദുബായിൽ ജയകുമാറിനെ മരിച്ച നിലയിൽ കണ്ടെത്തിയത്. എന്നാൽ ബന്ധുക്കള്‍ക്ക് മരണ സര്‍ട്ടിഫിക്കറ്റ് മതിയെന്നും മൃതദേഹം ഏറ്റെടുക്കാന്‍ തയ്യാറാകുന്നില്ലെന്നുമാണ് ലക്ഷദ്വീപ് സ്വദേശിയായ യുവതിയുടെ പരാതി.

വെള്ളിയാഴ്ച പുലര്‍ച്ചെയാണ് ജയകുമാറിന്റെ മ്യതദേഹം നെടുമ്പാശ്ശേരിയില്‍ എത്തിയത്. മൃതദേഹത്തിനൊപ്പം ഇവർ കേരളത്തിൽ എത്തിയിട്ടുണ്ട്. ബന്ധുക്കള്‍ വരാതിരുന്നതോടെ മ്യതദേഹവുമായി യുവതി ആലുവാ പോലീസ് സ്റ്റേഷനിലേക്ക് പോയി. ഇവിടെയെത്തിയിട്ടും പരാതിക്ക് പരിഹാരമായിട്ടില്ല. മിതദേഹവുമായുള്ള ആംബുലൻസ് പോലീസ് സ്റ്റേഷന് മുന്നിൽ തന്നെ ഇട്ടിരിക്കുകയാണ്.