ഗിനിയില്‍ തടവിലായ നാവികരുടെ മോചനം അനിശ്ചിതത്വത്തില്‍; ലക്ഷ്യം കൂടുതല്‍ പണം

ന്യൂഡല്‍ഹി. ഗിനിയില്‍ പിടിയിലായ ഇന്ത്യയില്‍ നിന്നുള്ള കപ്പല്‍ ജീവനക്കാരൂടെ മോചനം അനിശ്ചിതത്വത്തില്‍. യുദ്ധക്കപ്പലിലേക്ക് മാറ്റിയ 15 ഇന്ത്യക്കാരെ വീണ്ടും കരുതല്‍ തടങ്കലിലാക്കിയിരിക്കുകയാണ്. ഗിനിയ കപ്പല്‍ കമ്പിനിയില്‍ നിന്നും കൂടുതല്‍ പണം ലഭിക്കുന്നതിനുള്ള നീക്കമാണ് നടത്തുന്നതെന്നാണ് ലഭിക്കുന്ന വിവരം. കപ്പലില്‍ തടവിലായ മലയാളിയായ വിജിത്ത് ജീവനക്കാരെ തടങ്കലിലേയ്ക്ക് വീണ്ടും മാറ്റുകയാണെന്ന വിവരം വീട്ടുകാരെ അറിയിച്ചു.

കപ്പലില്‍ നിന്നും ഗിനിയന്‍ നാവികസേന 15 ഇന്ത്യക്കരായ ജീവനക്കാരെയാണ് തടവിലാക്കിയത്. നൈജീരിയയുടെ സമുദ്രാതിര്‍ത്തി ലംഘിച്ചുവെന്നാണ് ജീവനക്കാര്‍ക്കെതിരെ ചുമത്തിയിരിക്കുന്ന കുറ്റം. ഇതിന്റെ അടിസ്ഥാനത്തില് അയല്‍ രാജ്യമായ ഇക്യുറ്റോറിയല്‍ നിന്നും ഗിനിയ കപ്പല്‍ പിടിച്ചെടുക്കുകയായിരുന്നു. തുടര്‍ന്ന് കപ്പല്‍ കമ്പനിയില്‍ നിന്നും 20 ലക്ഷം ഡോളര്‍ പിഴ ഈടാക്കി. പണം മേടിച്ചതിന് ശേഷം കപ്പല്‍ മോചിപ്പിക്കാതെ നൈജീരിയയ്ക്ക് കൈമാറുവാന്‍ ഗിനിയ നീക്കം നടത്തുകയായിരുന്നു.

മൂന്ന് മലയാളികള്‍ ഉള്‍പ്പെടെ 16 ഇന്ത്യക്കാരും 10 വിദേശികളുമാണ് കപ്പലില്‍ ജോലി ചെയ്യുന്നത്. അറസ്റ്റിലായ ചീഫ് ഓഫീസറും മലയാളിയുമായ സനു ജോസിനെ കപ്പലില്‍ തിരിച്ചെത്തിച്ചിരുന്നു. പിന്നാലെ 1 പേരെ തടവില്‍ വെക്കുകയായിരുന്നു. ജീവനക്കാരുടെ മോചനത്തിനായി കേന്ദ്ര സര്‍ക്കാര്‍ ശ്രമങ്ങള്‍ നടത്തി വരുകയാണ്. സൈന്യത്തിന്റെ നിര്‍ദേശത്തെ തുടര്‍ന്ന് ജീവനക്കാരുടെ പാസ്‌പോര്‍ട്ട് ഗിനിയന്‍ നാവികസേനയ്ക്ക് കൈമാറിയെന്നാണ് വിവരം. ഇവര്‍ക്ക് ഭക്ഷണവും മരുന്നും ലഭിക്കുന്നില്ലെന്ന ആരോപണമുണ്ട്.