വന്ദനയെ കുത്തിയത് ഓര്‍മ്മയുണ്ട്, പ്രതിക്ക് മാനസിക പ്രശ്‌നങ്ങളില്ലെന്ന് സ്ഥിരീകരിച്ചു

തിരുവനന്തപുരം. ഡോക്ടര്‍ഡ വന്ദന കൊലക്കേസ് പ്രതി സന്ദീപിന് മാനസിക പ്രശ്‌നങ്ങളില്ലെന്ന് വ്യക്തമായ തെളിവികള്‍ ലഭിച്ചു. പേരൂര്‍ക്കട മാനസികാരോഗ്യ കേന്ദ്രത്തിലെ ഡോക്ടര്‍മാരാണ് ജയിലിലെത്തി സന്ദീപിനെ പരിശോധിച്ചത്. പരിശോധനയില്‍ മാനസിക പ്രശ്‌നമില്ലെന്ന് കണ്ടെത്തി. അതേസമയം തന്നെ അപായപ്പെടുത്താന്‍ ശ്രമിക്കുന്നതായി തോന്നിയപ്പോഴാണ് ആക്രമിച്ചതെന്ന് സന്ദീപ് ജയില്‍ സൂപ്രണ്ടിനോട് പറഞ്ഞു. താന്‍പുരുഷ ഡോക്ടറെയാണ് ആക്രമിക്കുവാന്‍ ശ്രമിച്ചതെന്നും സന്ദീപ് പറയുന്നു.

ആശുപത്രിയില്‍ വെച്ച് മരുന്ന് വയ്ക്കുന്ന സമയത്ത് മറ്റുള്ളവരുടെ സംസാരം കേട്ടപ്പോള്‍ ഉപദ്രവിക്കുവാന്‍ ശ്രമിക്കുന്നതായി തോന്നി. അതാണ് ആക്രമിക്കുവാന്‍ കാരണം എന്നാണ് സന്ദീപ് പറയുന്നത്. ജയിലില്‍ എത്തിയ ആദ്യ ദിവസങ്ങളില്‍ സന്ദീപ് അസാധാരണമായ പെരുമാറ്റമാണ് പ്രകടിപ്പിച്ചത്. എന്നാല്‍ കഴിഞ്ഞ ദിനവസത്തോടെ ശാന്തനായി. തുടര്‍ന്ന് പേരൂര്‍ക്കട മാനസികാരോഗ്യ കേന്ദ്രത്തില്‍ നിന്നും ആളെത്തി പരിശോധിക്കുകയായിരുന്നു.

ജയില്‍ സൂപ്രണ്ട് സത്യദാസിന്റെ സാന്നിധ്യത്തിലായിരുന്നു പരിശോധന. പരിശോധനയില്‍ മാനസിക പ്രശ്‌നമില്ലെന്നും ആശുപത്രിയിലേക്ക് മാറ്റേണ്ടതില്ലെന്നും വ്യക്തമായി. ഇതര സംസ്ഥാനക്കാരില്‍ നിന്നും ലഹരിമരുന്ന് വാങ്ങിയിരുന്നുവെന്ന് ഇയാള്‍ പറയുന്നു. വീട്ടില്‍ ജോലിക്ക് വന്ന ഇതര സംസ്ഥാന തൊഴിലാളിയുടെ പക്കല്‍ നിന്നുമാണ് ലഹരി കിട്ടിയിരുന്നത്. അതേസമയം നാട്ടുകാരില്‍ ചിലര്‍ ആക്രമിക്കുവാന്‍ പിന്തുടരുന്നുവെന്ന തോന്നലാണ് പോലീസിനെ വിളിച്ചത്. ആദ്യം പോലീസ് എത്തിയപ്പോള്‍ ഫോണ്‍ സ്വിച്ച് ഓഫ് ചെയ്ത് ഒളിച്ചിരുന്നു.

എന്നാല്‍ പോലീസിനെ വീണ്ടും വിളിച്ചുവരുത്തിയെന്നും സന്ദീപ് പറയുന്നു. പോലീസ് ആശുപത്രിയില്‍ എത്തിച്ച് ചികിത്സിച്ചപ്പോള്‍ ചുറ്റും നില്‍ക്കുന്നവര്‍ ആക്രമിക്കുമെന്ന തോന്നലുണ്ടായി. തുടര്‍ന്ന് കത്രിക എടുത്ത് പുരുഷഡോക്ടറെ ആക്രമിക്കുവാനിയിരുന്നു ലക്ഷ്യം. വന്ദനയെ കുത്തിയത് ഓര്‍മ്മയുടണ്ടെന്നും സന്ദീപ് പറയുന്നു.