ബി​ഗ് ബോസിലേക്കില്ല, ഇപ്പോൾ പ്രചരിക്കുന്ന വാർത്തകൾ സത്യമല്ല- രഞ്ജു രഞ്ജിമാർ

ബിഗ്ഗ് ബോസ് മലയാളത്തിന്റെ മൂന്നാമത്തെ സീസൺ ഫെബ്രുവരി പകുതിയോടെ സംപ്രേക്ഷണം ചെയ്തു തുടങ്ങും. മോഹൻലാൽ തന്നെയാണ് ഇത്തവണയും അവതാരകനായി എത്തുന്നത്. ഫെബ്രുവരി 14നാവും ഷോ തുടങ്ങുക എന്ന് റിപ്പോർട്ടുകളുണ്ട്. എന്നാൽ ഡേറ്റുമായി ബന്ധപ്പെട്ട് ചാനൽ ഇതുവരെ ഔദ്യോഗിക പ്രഖ്യാപനം നടത്തിയിട്ടില്ല. പുതിയ സീസൺ ഉടൻ എത്തുന്നു എന്ന വിവരം മോഹൻലാൽ തന്നെയാണ് പ്രമോ വീഡിയോയിലൂടെ അറിയിച്ചത്.

ബി​ഗ് ബോസ് പ്രഖ്യാപിച്ചപ്പോൾ മുതൽ മത്സരാർത്ഥികളായി പലരുടെയും പേരുകൾ ഉയർന്നുകേട്ടിരുന്നു. അത്തരത്തിൽ ഒരാളാണ് ട്രാൻസ്ജെൻഡറും സെലിബ്രേറ്റി മേക്കപ്പ് ആർട്ടിസ്റ്റുമായ രഞ്ജു രഞ്ജിമാർ. എന്നാൽ ആ വാർത്തകൾക്ക് വിശദീകരണവുമായി രഞ്ജു തന്നെ രം​ഗത്തെത്തി. ഇൻസ്റ്റാ​ഗ്രാമിലൂടെയാണ് താരം ബി​ഗ് ബോസിലേക്കില്ലെന്ന് തുറന്നുപറഞ്ഞത്.

online News കളിൽ വരുന്ന വാർത്ത അസത്യമാണ് ഞാൻ Bigboss ൽ പങ്കെടുക്കുന്നില്ല, അത്യാവശ്യം തിരക്കുള്ള സമയമാണ്,, പ്രതീക്ഷകൾക്കപ്പുറത്തുള്ള ഒരു വലിയ സംവിധായകൻ്റെ സിനിമയുടെ ഭാഗമാകാൻ അവസരം കിട്ടിയ ഭാഗ്യത്തിൽ Bigboss ൽ പോയി ഈ chance കളയാൻ അത്ര മണ്ടിയല്ല ഞാൻ, ഒന്നുകൂടെ ഉറപ്പിക്കുന്നു, ഞാൻ Bigboss ൽ ഇല്ല