‘ആ ഷോയോടുളള അവരുടെ ആവേശം കണ്ടിട്ട് അവര് അതിന്റെയകത്ത് എന്തായാലും വേണമെന്ന് തോന്നി’; ബിഗ് ബോസ് താരം രേഷ്മ പറയുന്നു

നടി ബീനാ ആന്റണിയും ഭര്‍ത്താവും നടനുമായ മനോജ് നായരും ബിഗ്‌ബോസില്‍ പങ്കെടുക്കണമെന്ന് ബിഗ്‌ബോസ് സീസണ്‍ 2 മത്സരാര്‍ത്ഥിയായിരുന്നു രേഷ്മാ നായര്‍. ടൈംസ് ഓഫ് ഇന്ത്യക്ക് നല്‍കിയ അഭിമുഖത്തിലാണ് രേഷ്മ ഇക്കാര്യം പറഞ്ഞത്. അതേസമയം വര്‍ഷങ്ങളായി സീരിയല്‍ സിനിമാ രംഗത്തുളള താരങ്ങളാണ് ബീന ആന്റണിയും ഭര്‍ത്താവ് മനോജ് നായരും. മുന്‍പ് ബിഗ് ബോസ് സമയത്ത് ബീന ആന്റണിയുടെ കുടുംബത്തിന്റെതായി വന്ന ലൈവ് വീഡിയോ വൈറലായിരുന്നു. ബിഗ് ബോസിന്റെ സ്ഥിരം പ്രേക്ഷകരാണെന്ന് അന്ന് ഇവര്‍ പറഞ്ഞിരുന്നു.

നടി ബീനാ ആന്റണിയും ഭര്‍ത്താവും നടനുമായ മനോജ് നായരേയും ബിഗ്‌ബോസില്‍ പങ്കെടുത്ത് കാണാന്‍ തനിക്കിഷ്ടമുണ്ടെന്നായിരുന്നു രേഷ്മ പറഞ്ഞത്. കാരണവും രേഷ്മ വ്യക്തമാക്കി. ‘കാരണം ഞാന്‍ ഷോയില്‍ നിന്നും ഇറങ്ങിയ ശേഷം അവരുടെ കുറെ വീഡീയോസ് കാണാന്‍ ഇടയായി. ഓരോ എപ്പിസോഡ് കഴിയുമ്പോഴും അവരുടെ റിവ്യൂസ്, അവരുടെ അഭിപ്രായങ്ങള്‍, ആ ഷോയോടുളള അവരുടെ ആവേശം കണ്ടിട്ട് അവര് അതിന്റെയകത്ത് എന്തായാലും വേണമെന്ന് തോന്നി. അവര് എങ്ങനെയാണ് സ്വന്തമായ സാഹചര്യങ്ങള്‍ വരാന്‍ നേരത്ത് പെരുമാറുക, അത് എങ്ങനെയാണ് പുറത്തുളളവര്‍ അംഗീകരിക്കുക. ഇതൊക്കെ കാണാന്‍ ആകാംക്ഷയുണ്ട്. അതൊക്കെ ഒരു രസമുളള കാര്യമല്ലെ. അതൊക്കെ ഒന്ന് കണ്ട് ആസ്വദിക്കാം എന്ന് വിചാരിക്കുന്നു. അതുകൊണ്ടാണ് ഞാന്‍ അവരുടെ പേരുകള്‍ നിര്‍ദ്ദേശിച്ചത്, അഭിമുഖത്തില്‍ രേഷ്മാ നായര്‍ പറഞ്ഞു.