നിങ്ങളില്ലങ്കിൽ ഞാനില്ല, എൻ്റെ കുടുംബം മക്കളെ പൊന്നുപോലെ നോക്കുന്ന അമ്മ, എല്ലാവർക്കും നന്ദി പറഞ്ഞ് രശ്മി

മിനി സ്ക്രീനിലെ നിറ സാന്നിധ്യമാണ് രശ്മി അനിൽ. കോമഡി പരിപാടികളിലൂടെ ശ്രേദ്ധേയയായ രശ്മി സിനിമയിലും തന്റെ സാന്നിധ്യം അറിയിച്ചിട്ടുണ്ട്. ചില സിനിമകളിലും രശ്മി സാന്നിധ്യം അറിയിച്ചിട്ടുണ്ട്. മികച്ച ഹാസ്യനടിക്കുള്ള ടെലിവിഷൻ അവാർഡ് കഴിഞ്ഞ ദിവസം രശ്മിയെത്തേടിയെത്തിയിരുന്നു. ഇപ്പോളിതാ തന്നെ സ്വീകരിച്ച പ്രേക്ഷകർക്ക് നന്ദി പറയുകയാണ് താരം, വാക്കുകൾ,

ആദ്യം തന്നെ ദൈവത്തിനാണ് നന്ദി പറഞ്ഞത്. കാരണം എന്നെ നിങ്ങളുടെ മുന്നിൽ എത്തിച്ചത് ആ വലിയ ശക്തിയാണ്. അതിനെ മറന്നിട്ട് ഒരു നേട്ടവും എനിക്കില്ല.പിന്നെ നന്ദി എന്നെ രണ്ടു കൈയും നീട്ടി സ്വീകരിച്ച എൻ്റെ പ്രിയപ്പെട്ടവരായ നിങ്ങൾക്കോരോരുത്തർക്കുമാണ്. നിങ്ങളില്ലങ്കിൽ ഞാനില്ല. പിന്നെ എൻ്റെ കുടുംബം മക്കളെ പൊന്നുപോലെ നോക്കുന്ന അമ്മ.

അമ്മ നെടുംതൂണായി നിൽക്കുന്നതു കൊണ്ടു മാത്രമാണ് എനിയ്ക്ക് അഭിനയിക്കാൻ പോകാൻ സാധിക്കുന്നതു തന്നെ. എന്നെ കാണാതെ ദിവസങ്ങളോളം കഴിയുന്ന എൻ്റെ മക്കൾ.അവരുടെ പിൻതുണയില്ലങ്കിൽ എനിക്കൊന്നുമാകാൻ കഴിയുമായിരുന്നില്ല. പിന്നെ എന്നെ പൊന്നുപോലെ നോക്കുന്ന എൻ്റെ ഏട്ടൻ.

ഏട്ടൻ്റെ സപ്പോർട്ട് എത്ര പറഞ്ഞാലും മതിയാകില്ല.അവാർഡിന് വീണ്ടും എന്നെ അർഹയാക്കിയ അമൃത ടിവി. കോമഡി മാസ്റ്റേഴ്സ്, കോഡക്സ് മീഡിയ പ്രിയപ്പെട്ട ഡയറക്ടർ അനൂജ്.എന്നെ സ്കിറ്റുകൾ എഴുതി പഠിപ്പിച്ച് പ്രാപ്തയാക്കി വേദിയിലേക്ക് വിടുന്ന എൻ്റെ പ്രിയപ്പെട്ട എബ്രഹാം തച്ചേരിൽ, അനീഷ് ബാൽ .പിന്നെ എൻ്റെ സഹപ്രവർത്തകർ., പിന്നെ കോമഡി മാസ്റ്റ്റ്റേഴ്സിൻ്റെ ഫുൾ ക്രൂ. നിങ്ങളോടെല്ലാവരോടുമുള്ള നന്ദി ഒറ്റവാക്കിൽ തീരില്ല. കണ്ണ് നനഞ്ഞല്ലാതെ നിങ്ങളെ ആരെയും ഓർക്കാൻ എനിക്കാവുന്നില്ല. തുടർച്ചയായി രണ്ട് വർഷവും അവാർഡിന് അർഹയാക്കിയതിൽ നിങ്ങളുടെയൊക്കെ പങ്ക് വലുതാണ്. എന്നെ സ്നേഹിക്കുന്ന നിങ്ങളോരോരുത്തർക്കും തീർത്താൽ തീരാത്ത നന്ദിയും കടപ്പാടും