ലിബറൽ ഫെമിനിസ്റ്റുകളെക്കാൾ ഭേദം കുലസ്ത്രീകൾ- രശ്മി ആർ നായർ

ലിബറൽ ഫെമിനിസ്റ്റുകൾക്കെതിരെ മോഡലും ആക്ടിവിസ്റ്റുമായ രശ്മി ആർ നായർ. കുല സ്ത്രീകൾ ആണോ ലിബറൽ ഫെമിനിസ്റ്റുകൾ ആണോ ജെനുവിൻ എന്ന് ചോദിച്ചാൽ നിസ്സംശയം പറയാം അത് കുല സ്ത്രീകൾ ആണെന്ന് രശ്മി സോഷ്യൽ മീഡിയയിൽ പങ്കിട്ട കുറിപ്പിലൂടെ പറയുന്നു. ലിബറൽ ഫെമിനിസ്റ്റുകൾ ജയിക്കാനായി സ്ലട്ട് ഷെയിം ചെയ്യും വ്യക്തി ബന്ധങ്ങൾ പുറത്തു പറയും സ്വകാര്യ വീഡിയോ പുറത്തു വിടും എന്നൊക്കെ തരം പോലെ ഭീഷണിപ്പെടുത്തും ലൈംഗീക ദുർനടപ്പുകാരിയാണ് എന്ന് കഥകൾ എഴുതി ഉണ്ടാക്കുമെന്നും രശ്മി പറയുന്നു

രശ്മിയുടെ കുറിപ്പിന്റെ പൂർണ്ണരൂപം

കുല സ്ത്രീകൾ ആണോ ലിബറൽ ഫെമിനിസ്റ്റുകൾ ആണോ ജെനുവിൻ എന്ന് ചോദിച്ചാൽ നിസ്സംശയം പറയാം അത് കുല സ്ത്രീകൾ ആണ് . അവർ പറയുന്ന വിഷയങ്ങളും എടുക്കുന്ന നിലപാടുകളും നൂറു ശതമാനം സത്യസന്ധമായി ആയിരിക്കും. താലി കെട്ടുന്ന പുരുഷനെ ദൈവമായി കാണണം പുരുഷൻ പറയുന്നത് കേട്ട് ജീവിക്കണം ദിലീപേട്ടൻ പാവാടാ എന്ന് തുടങ്ങി അവർ പറയുന്ന വിഷയങ്ങളിൽ ഒക്കെ ബ്ലണ്ടറുകളും സ്ത്രീ വിരുദ്ധവും നമുക്ക് എതിരഭിപ്രായം ഉള്ളതും ഒക്കെ ആകും പക്ഷെ ഒരു ശതമാനം പോലും ആ വിഷത്തോടുള്ള അവരുടെ ജെനുവിനിറ്റി ചോദ്യം ചെയ്യാനുള്ള പോസിബിലിറ്റി കിട്ടില്ല .

ലിബറൽ ഫെമിനിസ്റ്റുകളിലേക്കു വന്നാൽ അത് നേരെ തിരിച്ചായിരിക്കും ഈ പറയുന്ന വിഷയത്തോടുള്ള ജെനുവിനുറ്റി ഒരു ശതമാനം പോലും ഉണ്ടാകില്ല . ലിബറൽ ഫെമിനിസ്റ്റുകൾ ജയിക്കാനായി സ്ലട്ട് ഷെയിം ചെയ്യും വ്യക്തി ബന്ധങ്ങൾ പുറത്തു പറയും സ്വകാര്യ വീഡിയോ പുറത്തു വിടും എന്നൊക്കെ തരം പോലെ ഭീഷണിപ്പെടുത്തും ലൈംഗീക ദുർനടപ്പുകാരിയാണ് എന്ന് കഥകൾ എഴുതി ഉണ്ടാക്കും . ഇതെല്ലാം ചെയ്ത ശേഷം ഒരു ചായ കുടിച്ച ശേഷം ഫോർത്ത് വേവ് ഫെമിനിസത്തെ കുറിച്ച് ലേഖനം എഴുതും .

ലിബറൽ ഫെമിനിസ്റ്റുകൾ ഒരു ബിസ്മയമാണ് .കുറച്ചൂടെ ഗ്രാമീണ ഭാഷയിൽ പറഞ്ഞാൽ കുലസ്ത്രീകൾ തരുന്ന വെള്ളമോ ഭക്ഷണമോ ധൈര്യമായി കഴിക്കാം ലിബറൽ ഫെമിനിസ്റ്റുകൾ ആണെങ്കിൽ വല്ല പട്ടിക്കും പൂച്ചയ്ക്കും സാമ്പിൾ കൊടുത്ത ശേഷം കഴിക്കുന്നതാണ് സേഫ് .