തെരുവിൽ അലഞ്ഞു തിരിയുന്ന പട്ടികൾക്ക് ഇതിലും ബോധം ഉണ്ടാകും, മാധ്യമ പ്രവർത്തകയുടെ കൂടെ നിന്നവർക്കെതിരെ രശ്മി ആർ നായർ

മാധ്യമങ്ങളോട് സംസാരിക്കുന്നതിനിടയില്‍ മാധ്യ മപ്രവര്‍ത്തകയോട് ദേഹത്തു കൈവെച്ച സുരേഷ് ഗോപിക്ക് എതിരെ വിമർശനം. തൊഴിലെടുക്കുന്ന എല്ലാ സ്ത്രീകള്‍ക്കും നേരെയുള്ള അവഹേളനമാണിത്. തെറ്റ് അംഗീകരിച്ച് സുരേഷ് ഗോപി മാപ്പ് പറയണമെന്ന് കേരള പത്രപ്രവര്‍ത്തക യൂണിയന്‍ സംസ്ഥാന പ്രസിഡന്റ് എം.വി. വിനീതയും ജനറല്‍ സെക്രട്ടറി ആര്‍. കിരണ്‍ ബാബുവും ആവശ്യപ്പെട്ടു. അശ്ലീല വർത്തമാനത്തോടെ കൂടെ നിന്ന മാധ്യമ പ്രവർത്തകയെ ഒരുത്തൻ കടന്നു പിടിക്കുന്നത് കണ്ടു ചിരിച്ചു കുഴയുന്ന മാധ്യമ പ്രവർത്തകർ എന്ന് സ്വയം വിളിക്കുന്ന ആ ജീവികളെ കണ്ടിട്ട് അറപ്പു തോനുന്നെന്ന് ആക്ടിവിസ്റ്റ് രശ്മി ആര്‌ നായർ.

കുറിപ്പിങ്ങനെ

കൂട്ടത്തിൽ പണിയെടുക്കുന്ന സ്ത്രീയെ സിനിമയിൽ ഒക്കെ അഭിനയിക്കുന്ന ബിജെപി നേതാവായ ഒരുത്തൻ അശ്ലീല വർത്തമാനത്തോടെ കടന്നു പിടിക്കുന്നത് കണ്ടു ചിരിച്ചു കുഴയുന്ന മാധ്യമ പ്രവർത്തകർ എന്ന് സ്വയം വിളിക്കുന്ന ആ ജീവികളെ കണ്ടിട്ട് അറപ്പു തോനുന്നു. തെരുവിൽ അലഞ്ഞു തിരിയുന്ന പട്ടികൾക്ക് ഇതിലും ബോധം ഉണ്ടാകും കൂട്ടത്തിൽ ഒന്നിനെ കല്ലെടുത്തറിഞ്ഞാൽ അവറ്റകൾ തിരിഞ്ഞു നിന്നൊന്നു കുരയ്ക്കുകയെങ്കിലും ചെയ്യും .

വേണമെങ്കില്‍ കണ്ണൂരിലും മത്സരിക്കാമെന്ന തന്റെ പ്രസ്താവന സി പി എമ്മിന്റെ സ്ഥാപിത രാഷ്ട്രീയ മുതലെടുപ്പിനെ ഉലക്കാന്‍ വേണ്ടിയാണെന്ന് പറഞ്ഞ സുരേഷ് ഗോപിയോട് കഴിഞ്ഞ തിരഞ്ഞെടുപ്പില്‍ അതിന് ശ്രമിച്ചിട്ടും സാധിച്ചില്ലല്ലോ എന്ന് മാധ്യമപ്രവര്‍ത്തക തിരിച്ചു ചോദിച്ചിരുന്നു. ഇതിന് മറുപടിയായി ഒന്ന് ശ്രമിച്ചുനോക്കട്ടെ എന്ന് പറഞ്ഞ് കൊണ്ടാണ് സുരേഷ് ഗോപി വനിതാ റിപ്പോര്‍ട്ടറുടെ തോളില്‍ പിടിച്ചത്.