അത്ഭുതം, പെണ്ണുങ്ങൾക്ക് കാലുണ്ട്,ചിത്രം പങ്കുവെച്ച് റിമ കല്ലിങ്കൽ

മലയാളികളുടെ പ്രിയതാരമാണ് റിമ കല്ലിങ്കൽ.2009-ൽ പുറത്തിറങ്ങിയ ഋതു എന്ന ശ്യാമപ്രസാദ് ചിത്രത്തിലൂടെയാണ് സിനിമയിൽ അരങ്ങേറുന്നത്.നിരവധി ചിത്രങ്ങളിൽ ശ്രദ്ധേയമായ വേഷം ചെയ്ത താരത്തിന് ആരാധകരും വിമർശകരും നിരവധിയാണ്.സ്ത്രീകളുടെ സംഘടനയായ ഡബ്ല്യൂ സിസിയിലെ ചില പ്രസ്താവനകൾ വിമർശനങ്ങൾക്ക് വഴിതെളിച്ചിരുന്നു.പ്രളയദുരിതാശ്വസ ഫണ്ട് മുക്കി എന്ന വിമർശനവും ആഷിക്ക് അബുവും റിമയും നേരിട്ടിരുന്നു.

ഇപ്പോൾ റിമ പങ്കുവെച്ച കുറിപ്പും ചിത്രവുമാണ് വൈറലാകുന്നത്.വസ്ത്രധാരണത്തിന്റെ പേരിൽ യുവനടി അനശ്വര രാജൻ നേരിട്ട സൈബർ ആക്രമണം വലിയ ചർച്ചയായിരുന്നു. തന്റെ പുതിയ ഫോട്ടോഷൂട്ടിൽ താരം ഷോർട്സ് ധരിച്ചതിനെതിരെയാണ് ഒരു വിഭാഗം മോശം കമന്റുകളുമായി എത്തിയത്. എന്നാൽ സോഷ്യൽ മീഡിയയിലെ മറ്റൊരു വിഭാഗവും താരങ്ങളും അനശ്വരയ്ക്ക് പിന്തുണയുമായി എത്തി.

അനശ്വരക്ക് പിന്തുണ നൽകിക്കൊണ്ടാണ് റിമയും ചിത്രം പങ്കുവെച്ചിരിക്കുന്നത്.രസകരമാണ് റിമയുടെ പോസ്റ്റ്. ‘അത്ഭുതം… പെണ്ണുങ്ങൾക്ക് കാലുണ്ട്’ എന്ന കുറിപ്പോടെയാണ് തന്റെ ഒരു ചിത്രം താരം പോസ്റ്റ് ചെയ്തിരിക്കുന്നത്.റിമയുടെ പോസ്റ്റ് ഇതിനോടകം സോഷ്യൽ മീഡിയ ഏറ്റെടുത്തു കഴിഞ്ഞു