പാവാട അലക്കി ആഷിക് കൂടെ ഉണ്ടെങ്കില്‍ ബാഗ് അവന് കൊടുത്താല്‍ പോരായിരുന്നല്ലോ ചേച്ചി എന്ന് കമന്റ്, റിമ നല്‍കിയ മറുപടി വൈറല്‍

സംവിധായകന്‍ ആഷിക് അബുവും ഭാര്യയും നടിയുമായി റിമ കല്ലിങ്കലിനും നിരവധി ആരാധകരാണുള്ളത്. കുറച്ച് കാലമായി റിമ അഭിനയ രംഗത്ത് അത്ര സജീവമല്ല. സോഷ്യല്‍ മീഡിയകളില്‍ സജീവമായ താരം ഇപ്പോള്‍ ഭര്‍ത്താവിനൊപ്പം അവധി കാലം ആഘോഷിക്കുകയാണ്. റഷ്യയിലാണ് ആഷികും റിമയുമുള്ളത്. പീറ്റേഴ്‌സ്ബര്‍ഗിലുള്ള പീറ്റര്‍ ആന്‍ഡ് പോള്‍ ഫോര്‍ട്ട്‌സില്‍ നിന്നുള്ള ചിത്രങ്ങളും വീഡിയോകളും റിമ സോഷ്യല്‍ മീഡഡിയകളില്‍ പങ്കുവെച്ചിരുന്നു. ആഷിക് എടുത്ത് കൊടുത്ത ചിത്രങ്ങളാണെന്ന് പ്രത്യേകമായി പറയുകയും ചെയ്തു. ഇതോടെ ചിത്രങ്ങള്‍ക്ക് താഴെ വിമര്‍ശനവുമായി ഒരു വിഭാഗമെത്തി.

പീറ്റര്‍ ആന്‍ഡ് പോള്‍ ഫോര്‍ട്ട്‌സ് ഒരു കാലത്ത് തടവറയായി പ്രവര്‍ത്തിച്ചിരുന്നതാണെങ്കില്‍ ഇന്ന് കുടുംബങ്ങള്‍ക്ക് വന്നിരിക്കാനുള്ള ഏറ്റവും മനോഹരമായൊരു സ്ഥലമായി മാറി. കാലം എങ്ങനെ മാറി എന്നതോര്‍ത്ത് ഞാന്‍ സന്തോഷിക്കുന്നു എന്നും ചിത്രങ്ങള്‍ക്ക് ഒപ്പം റിമ കുറിച്ചിരുന്നു. ഈ പോസ്റ്റിന് താഴെ വിമര്‍ശന കമന്റുകള്‍ എത്തി. ഈ കമന്റുകള്‍ക്ക് ഒക്കെ റിമ മറുപടിയും നല്‍കിയിട്ടുണ്ട്.

”പാവാട അലക്കി ആഷിക് കൂടെ ഉണ്ടെങ്കില്‍ ബാഗ് അവന് കൊടുത്താല്‍ പോരായിരുന്നല്ലോ ചേച്ചി. വെറുതേ എന്തിനാണ് കഷ്ടപ്പെടുന്നത് എന്നായിരുന്നു ഒരാളുടെ കമന്റ്. ‘അതേ, അദ്ദേഹം ശരിക്കും സെന്‍സിറ്റീവ് പാഷനേറ്റ് ആയ ലവറാണ്. പക്ഷേ നമ്മളത് നിസാരമായി കാണരുത്. എന്നാല്‍ എന്റെ ബാഗുകള്‍ കൊണ്ട് നടക്കാന്‍ എനിക്ക് തന്നെ സാധിക്കും. തീര്‍ച്ചയായും ഈ അഭിനന്ദനം ഞാന്‍ അങ്ങ് അറിയിച്ചേക്കാം എന്നായിരുന്നു ഈ കമന്റിന് റിമ നല്‍കിയ മറുപടി.

മറ്റൊരു പോസ്റ്റില്‍ തെങ്ങിന്റെ പടമുള്ള കമ്മലാണ് റിമ പങ്കുവെച്ചത്. ‘നമ്മുടെ നാട്ടില്‍ നിന്നും ഏറെ അകലെ ആയിരിക്കുമ്പോള്‍ നമ്മുടെ നാടിനെ ഓര്‍മ്മിക്കാന്‍ ജന്മനാടിനെ ഒപ്പം കൊണ്ട് പോയി. ചില സമയങ്ങളില്‍ എനിക്കവിടെ നരകം പോലെ തോന്നും. ഈ കമ്മലുകള്‍ സിലോക്കല്‍ നിന്നും വാങ്ങിയതാണ്. അവരുടെ കൈയിലുള്ളത് ഇത്തരത്തില്‍ രസകരമായ നിരവധിയെണ്ണമാണ്. എന്നും കമ്മല്‍ പരിചയപ്പെടുത്തി റിമ കുറിച്ചു.

അതെ അതെ, ആ പറഞ്ഞത് ശരിയാണ്. ചെന്തെങ്ങിന്റെ കുലയാണെങ്കില്‍ ആടും എന്നായിരുന്നു ഇതിന് ഒരാള്‍ കമന്റ് ചെയ്തത്. ചിരിക്കുന്ന സ്‌മൈലി ആണ് റിമ അദ്ദേഹത്തിന് നല്‍കിയ മറുപടി. ”ആളുകളെ എങ്ങനെ സമര്‍ഥമായി പറ്റിക്കാമെന്നതിനുള്ള മികച്ച ഉദ്ദാഹരണമാണ് നിങ്ങള്‍ രണ്ട് പേരും. പോക്കറ്റില്‍ പണം ഉള്ളത് കൊണ്ട് എല്ലാ സര്‍ക്കാര്‍ മലീനികരണങ്ങളെയും നിങ്ങള്‍ ന്യായീകരിക്കുകയും പിന്തുണയ്ക്കുകയും ചെയ്യും. എന്നിട്ട് മറ്റൊരു രാജ്യത്ത് പോയി നിങ്ങളുടെ സ്വാതന്ത്ര്ം ആസ്വദിക്കുകയും ചെയ്യും. അങ്ങനെ തന്നെ മനോഹരമായി പോയിക്കോളൂ എന്നുമാണ് ഒരാള്‍ കുറിച്ചത്. ഓ മനസിലാക്കി കളഞ്ഞല്ലോ എന്ന് മാത്രമാണ് റിമ അതിന് മറുപടിയായി നല്‍കിയത്.