ലവേഴ്‌സിന്റെയും ബോയ് ഫ്രണ്ടിന്റെയും പേര് ശരീരത്തിൽ ടാറ്റു ചെയ്യരുതെന്ന് റിമി ടോമി

മലയാളികളുടെ പ്രിയ ​ഗായികയാണ് റിമി ടോമി. സോഷ്യൽ മീഡിയയിൽ റിമി സജീവമാണ്. ലോക്ക് ഡൗൺ കാലത്ത് തുടങ്ങിയ യൂടൂബ് ചാനലിനും ​ഗംഭീര സ്വീകരണമാണ് ലഭിച്ചത്.ചാനൽ തുടങ്ങി ഒരു മാസത്തിനുളളിൽ നിരവധി സബ്സ്‌ക്രൈബേഴ്സിനെയും റിമി ടോമിക്ക് ലഭിച്ചിരുന്നുതന്റെ പാചക പരീക്ഷണങ്ങളും തരംഗമായ പാട്ടുകളുടെ കവർ വേർഷനുകളുമെല്ലാം യൂടൂബ് ചാനലിലൂടെ റിമി പങ്കുവെക്കാറുണ്ട്. അടുത്തിടെ മാസങ്ങൾക്ക് ശേഷം വീണ്ടും ചിത്രീകരണത്തിൽ പങ്കെടുക്കാൻ സാധിച്ചതിലുളള സന്തോഷവും റിമി പങ്കുവെച്ചിരുന്നു.

റിമി ടോമിയും സിത്താരയും ജ്യോത്സനയും ഒരുമിച്ചെത്തുന്ന റിയാലിറ്റി ഷോക്ക് ​ഗംഭീര അഭിപ്രായമാണ് ലഭിക്കുന്നത്. ഇവരുടെ ചെറിയ ചെറിയ തമാശകളും അഭിപ്രായങ്ങളുമൊക്കെ പ്രേക്ഷകർ ഏറ്റെടുക്കാറുണ്ട്. ടാറ്റുവിനെക്കുറിച്ച് ഇവർ സംസാരിച്ച കാര്യങ്ങളാണ് സോഷ്യൽ മീഡിയയിൽ വൈറലാകുന്നത്.കേരളത്തില്‍ ഏറ്റവും കൂടുതല്‍ ടാറ്റു പതിച്ച വനിതയെന്ന റെക്കോര്‍ഡ് സിതാരയ്ക്കാവും എന്നാണ് റിമി പറഞ്ഞത്.

വെറുതെ അങ്ങ് പോയി എല്ലാവർക്കും ചെയ്യാൻ പറ്റിയ ഒന്നല്ല ടാറ്റൂവെന്നായിരുന്നു റിമിയും സിതാരയും ഒരുപോലെ പറഞ്ഞത്. തൻറെ ജീവിതത്തിൽ ഏറ്റവും പ്രധാനപ്പെട്ട കാര്യം നടന്നപ്പോഴാണ് ടാറ്റൂ പതിച്ചത്. അത് തന്റെ മകളുടെ പേര് ആയിരുന്നുവെന്നായിരുന്നെന്ന് സിതാര പറഞ്ഞു. ലവേഴ്‌സിന്റെയും ബോയ് ഫ്രണ്ടിന്റെയും ഒന്നും പേര് ശരീരത്തിൽ ടാറ്റുചെയ്യരുതെന്നായിരുന്നു റിമി ടോമി പറഞ്ഞത്. ഇവരുടെയൊക്കെ പേരിനു പകരം അച്ചന്റേയോ അമ്മയുടേയോ, മക്കളുടെയോ പേരുകൾ ടാറ്റൂ ആക്കിക്കൊള്ളാനും റിമി പറഞ്ഞിരുന്നു.