കണ്ണിന്‍ വാതില്‍ ചാരാതെ കണ്ണാ നിന്നെ കണ്ടോട്ടെ, കണ്മണിയെ പാട്ട് പാടിയുറക്കി റിമിക്കൊച്ചമ്മ

മലയാളികളുടെ പ്രിയപ്പെട്ട ഗായികയും അവതാരകയും നടിയുമൊക്കെയാണ് റിമി ടോമി. നിരവധി ആരാധകരാണ് താരത്തിനുള്ളത്. റിമിയുടെ പുതിയ മേക്കോവര്‍ ചിത്രങ്ങള്‍ സോഷ്യല്‍ മീഡിയകളില്‍ വൈറലാകാറുമുണ്ട്. നവമാധ്യമങ്ങളില്‍ ഏറെ സജീവമാണ് താരം. ലോക്ക്ഡൗണ്‍ സമയം തന്റെ ഡയറ്റും വര്‍ക്കൗട്ട് ടിപ്പുകളുമൊക്കെ പങ്കുവെച്ച് റിമി രംഗത്ത് എത്തിയിരുന്നു.

ഇപ്പോള്‍ കിയാര എന്ന കണ്മണിക്ക് ഒപ്പമുള്ള ക്യൂട്ട് ചിത്രം പങ്കുവെച്ചിരിക്കുകയാണ് റിമി ടോമി. കണ്ണിന്‍ വാതില്‍ ചാരാതെ കണ്ണാ നിന്നെ കണ്ടോട്ടെ എന്ന പാട്ടിന്റെ വരികളും ചിത്രത്തിനൊപ്പം റിമി കുറിച്ചിട്ടുണ്ട്. റിമിയുടെ സഹോദരന്‍ റിങ്കുവിന്‍ഫെയും നടി മുക്തയുടെയും പൊന്നോമനയാണ് കണ്മണി എന്ന് വിളിക്കുന്ന കിയാര. റിമി പങ്കുവെച്ച മനോഹര ചിത്രത്തിന് നിരവധി പേരാണ് ലൈക്കുകളും കമന്റുകളുമായി എത്തുന്നത്. ‘അമ്മക്കുട്ടി മിസ് യു കമ്മു’ എന്നാണ് മുക്ത ചിത്രത്തിന് കമന്റ് ചെയ്തിരിക്കുന്നത്.

സോഷ്യല്‍ മീഡിയയില്‍ നിറഞ്ഞ് നില്‍ക്കുന്ന കുട്ടിത്താരമാണ് കണ്മണി. പാട്ട് പാടിയും പാചക വീഡിയോകളിലൂടെയും കിയാര സോഷ്യല്‍ ലോകത്ത് കണ്മണി എത്താറുണ്ട്. റിമിയുടെ യൂട്യൂബ് വിഡിയോകളിലും കണ്മണിയെ കാണാറുണ്ട്.

റിമി ടോമി സോഷ്യല്‍ മീഡിയകളില്‍ പങ്കുവെയ്ക്കുന്ന ചിത്രങ്ങളും വീഡിയോകളും ശ്രദ്ധേയമാകാറുണ്ട്. അടുത്തിടെ താരം ഗൗണുകള്‍ അണിഞ്ഞ് പങ്കുവെച്ച ചിത്രങ്ങളും വൈറല്‍ ആയി മാറിയിരുന്നു. ലോക്ക് ഡൗണ്‍ കാലത്ത് റിമി ടോമി ഡാന്‍സിനും പാട്ടിനുമൊപ്പം പാചകവും പരീക്ഷിച്ചിരുന്നു. ലോക്ക് ഡൗണ്‍ കാലത്ത് തുടങ്ങിയ യൂടൂബ് ചാനലിനും ഗംഭീര സ്വീകരണമാണ് ലഭിച്ചത്. ചാനല്‍ തുടങ്ങി ഒരു മാസത്തിനുളളില്‍ നിരവധി സബ്‌സ്‌ക്രൈബേഴ്‌സിനെയും റിമി ടോമിക്ക് ലഭിച്ചിരുന്നു. തന്റെ പാചക പരീക്ഷണങ്ങളും തരംഗമായ പാട്ടുകളുടെ കവര്‍ വേര്‍ഷനുകളുമെല്ലാം യൂടൂബ് ചാനലിലൂടെ റിമി പങ്കുവെക്കാറുണ്ട്.

പാട്ടിലൂടെയും അവതരണത്തിലൂടെയും, അഭിനയത്തിലൂടെയും മലയാളികള്‍ക്ക് ഒപ്പം റിമി നിറഞ്ഞു നില്‍ക്കാന്‍ തുടങ്ങീട്ട് വര്ഷം കുറെയായി. താരത്തിന്റെ എന്തൊരു ആഘോഷവും റിമിയെ സ്‌നേഹിക്കുന്നവരുടെ ആഘോഷം കൂടിയാണ്. പ്രതിസന്ധിഘട്ടങ്ങള്‍ ഉണ്ടായപ്പോഴും റിമിക്ക് ആശ്വാസവാക്കുകളുമായി അവരുടെ ആരാധകര്‍ ഒപ്പം ഉണ്ടായിരുന്നു താനും.