ദൈവത്തിന് മുന്നിൽ സാഷ്ടാംഗം പ്രണാമം നടത്തി റിഷി സുനിക്, പ്രാർത്ഥനയിൽ മുഴുകി അക്ഷതമൂർത്തിയും

ഡല്‍ഹിയിലെ അക്ഷര്‍ധാം ക്ഷേത്രം സന്ദര്‍ശിച്ച ബ്രിട്ടീഷ് പ്രധാനമന്ത്രി ഋഷി സുനക് സാഷ്ടാംഗം പ്രണാമം നടത്തുന്ന ചിത്രം ചർച്ചയാകുന്നു. ഹിന്ദുവായതില്‍ അഭിമാനിക്കുന്നുവെന്ന് ബ്രിട്ടീഷ് പ്രധാനമന്ത്രി ഋഷി സുനക് കഴിഞ്ഞ ദിവസം പറഞ്ഞിരുന്നു. ക്ഷേത്ര ദർശനത്തിനിടെ ഋഷി സുനക് നടത്തിയ സാഷ്ടാംഗം പ്രണാമത്തിന്റെ ചിത്രങ്ങളാണ് ഇപ്പോൾ ചർച്ചയാകുന്നത്. ഹിന്ദു മതത്തെ വിമർശിക്കുകയും എതിർക്കുകയും ചെയ്യുന്നവർ ഇതൊന്ന് കാണണം.

എന്താണ് സനാതന ധർമമെന്നും അതിന് നൽകേണ്ട ആദരവ് എന്താണെന്ന് ഋഷി സുനക് എന്ന തലവനിൽ നിന്ന് അറിയാത്തവർ കണ്ടു പഠിക്കണം. ഏതു രാജ്യത്ത് പോയാലും , എത്ര ഉയരത്തിൽ എത്തിയാലും നമ്മുടെ വേരുകൾ അത് ഇന്ത്യയുടെ മണ്ണിലാണ് ഉള്ളത്. ഹിന്ദുവിൽ അടിയുറച്ചു വിശ്വസിക്കുന്ന രാജ്യമാണ് നമ്മുടേത്. അതിന്റെ ഒന്നുകൂടി ഓർമിപ്പിക്കുകയായിരുന്നു ബ്രിട്ടീഷ് പ്രധാനമന്ത്രി ഋഷി സുനക് നടത്തിയ സാഷ്ടാംഗം പ്രണാമം

ജി 20 ഉച്ചകോടിയില്‍ പങ്കെടുക്കാനെത്തിയതിനിടെ ഭാര്യ അക്ഷത മൂര്‍ത്തിയോടൊപ്പമാണ് സുനക് ക്ഷേത്ര സന്ദര്‍ശനം നടത്തിയത്. ‘എന്റെ ഇന്ത്യന്‍ വേരുകളിലും ഇന്ത്യയിലെ ബന്ധങ്ങളിലും ഏറെ അഭിമാനമുണ്ട്. സ്വാഭിമാനമുള്ള ഒരു ഹിന്ദു എന്ന നിലയില്‍ ഇന്ത്യയുമായും ഇവിടുത്തെ ജനങ്ങളുമായും എന്നും ആത്മബന്ധമുണ്ടാകും’, ക്ഷേത്രസന്ദര്‍ശനത്തിന് ശേഷം ഋഷി സുനക് വ്യക്തമാക്കിയതായി ഇന്ത്യയുടെ ബ്രിട്ടീഷ് ഹൈക്കമ്മീഷന്‍ എക്‌സില്‍ കുറിച്ചു. ഒരു മണിക്കൂറോളം ക്ഷേത്രത്തില്‍ ചെലവഴിച്ച ഇരുവരും പ്രത്യേക പൂജകളും നിര്‍വഹിച്ചു.

സുനകിന്റെ സന്ദര്‍ശനത്തെ തുടര്‍ന്ന് ക്ഷേത്രത്തില്‍ കനത്ത സുരക്ഷയാണ് ഏര്‍പ്പെടുത്തിയത്. വെള്ളിയാഴ്ചയാണ് സുനകും അക്ഷതയും ജി20 ഉച്ചകോടിയില്‍ പങ്കെടുക്കാന്‍ ഇന്ത്യയിലെത്തിയത്. ഇന്ത്യയിലേക്കുള്ള സുനകിന്റെ ആദ്യ ഔദ്യോഗിക സന്ദര്‍ശനമാണിത്.