ഗാനരംഗങ്ങളെ വെല്ലുന്ന പ്രണയാർദ്ര ചിത്രങ്ങൾ

സിനിമ ഗാനരംഗങ്ങളെ വെല്ലുന്നതാണ് നയൻതാരയുടെയും വിഘ്നേഷിന്റെയും ഹണിമൂൺ ദിനങ്ങൾ. സിനിമയിലെ നിറക്കൂട്ടുകളുടെയും പ്രകാശ വിസ്‍മങ്ങളുടെയും കുറവ് മാത്രമേ ഉള്ളൂ. ഗാനരംഗങ്ങളിലെ പോലെ പ്രണയാർദ്രമാണ് അവർ പകർത്തി സാമൂഹ്യ മാധ്യമങ്ങളിൽ ഷെയർ ചെയ്ത വരുന്ന ചിത്രങ്ങൾ.

താരദമ്പതികൾ രണ്ടാം ഹണിമൂണിനായി സ്പെയിനിലേക്ക് യാത്ര തിരിച്ചിരുന്നു. ഒരാഴ്ചയോളമായി ഇരുവരും സ്പെയിനിലാണ്.സ്പെയിൻ തെരുവീഥികളിൽ റൊമാൻ്റിക്കായി നയൻതാരയും വിഘ്നേഷും പ്രണയം ആസ്വദിക്കുകയാണ്. പുതിയ യാത്രാ വിശേഷങ്ങളുമായി താരദമ്പതികൾ കഴിഞ്ഞ ദിവസം പങ്കുവെച്ചിരിക്കുകയാണ് കുറെ ചിത്രങ്ങൾ.

പ്രണയിതാക്കളായ നയൻതാരയും വിഘ്നേഷും ജൂൺ 9ന് വിവാഹിതരായപ്പോൾ സന്തോഷിച്ചത് ലോകമെമ്പാടുമുള്ള ആരാധകരായിരുന്നു. ബോളിവുഡ് സൂപ്പർ താരം ഷാരൂഖ് ഖാനും ചടങ്ങിൽ പങ്കെടുത്തിരുന്നു. താരദമ്പതികൾ ആദ്യ ഹണിമൂൺ യാത്രയ്ക്ക് ശേഷം തങ്ങളുടെ ജോലിയിൽ മുഴുകുകയായിരുന്നു. തൊട്ടു പിറകെയാണ് ഇവർ രണ്ടാം ഹണിമൂണിനായി സ്പെയിനിലേക്ക് പറക്കുന്നത്.

സ്പെയിൻ യാത്ര നയൻസും വിക്കിയും ആഘോഷമാക്കിയിരിക്കുകയാണ്. നായിക നായകന്മാരെ വെല്ലുന്ന ലൂക്കിലുള്ള ചിത്രങ്ങളാണ് വിഘ്നേഷ് ശിവൻ്റെയും നയൻതാരയുടെയും സ്പാനിഷ് അവധിക്കാലത്തിലേതായി ഇതിനകം പുറത്ത് വന്നിരിക്കുന്നത്. ജോലിയിൽ നിന്ന് കുറച്ച് നാൾ അവധിയെടുത്ത് ഇരുവരും കുറച്ച് സമയത്തേക്ക് ബാഴ്സലോണയിൽ അടിച്ച്പൊളിച്ച് ആഘോഷിക്കുകതന്നെയാണ്.