ഇടുക്കിയിൽ ആർ എസ് എസ് പ്രവർത്തകനു വെട്ടേറ്റു, പിന്നിൽ സിപിഎം പ്രവർത്തകർ

ഇടുക്കി നെടുങ്കണ്ടം തോവാളപ്പടിയിൽ അർഎസ്എസ് പ്രവർത്തകന് വെട്ടേറ്റു. ആർ എസ് എസ് തോവാളപ്പടി ശാഖാ കാര്യവാഹക് തൈക്കേരി പ്രകാശിനാണ് വെട്ടേറ്റത്.സി.പി.എം പ്രവർത്തകരാണ്‌ ആക്രമിച്ചത് എന്ന് ആശുപത്രിയിൽ നിന്നും തൈക്കേരി പ്രകാശ് കർമ്മ ന്യൂസിനോട് പറഞ്ഞു.

മേഖലയിൽ നാളുകളായ് സി പി എം ആർ എസ് എസ് സംഘർഷം നിലനിന്നിരുന്നു.ഇന്നലെ രാത്രിയായിരുന്നു സംഭവം. തോവാളപ്പടി തൈക്കേരി പ്രകാശ് ആണ് പരുക്കേറ്റത്. മേസ്തിരി ജോലി ചെയ്യുന്ന പ്രകാശ് ജോലി കഴിഞ്ഞ് വീട്ടിലേക്ക് മടങ്ങുന്നതിനിടെയാണ സംഭവം. രാത്രി 9.45നു തോവാളപ്പടിയിൽ മാരകായുധങ്ങളുമായെത്തിയ സംഘം പ്രകാശ് ഓടിച്ചിരുന്ന ജീപ്പ് തടഞ്ഞ് നിർത്തിയ ശേഷമാണ് അക്രമം നടത്തിയത്. 3 ബൈക്കിലെത്തിയ ആറംഗ സംഘമാണ് ആക്രമണം നടത്തിയത്. വാഹനം തടഞ്ഞ ഉടനെ മുൻവശത്തെ ഗ്ലാസ് കമ്പിവടിക്ക് അടിച്ച് തകർത്തു. പിന്നാലെ മുഖത്തിനും കൈയ്ക്കും വെട്ടി. ആറംഗ സംഘമാണ് ആക്രമണത്തിന് പിന്നിലെന്ന് പ്രകാശ് പറഞ്ഞു.

നെടുങ്കണ്ടം 11-ാം വാർഡ് വനിത മെമ്പർ വാക്സിൻ വിതരണം രാഷ്ട്രീയം നേട്ടത്തിനായി ഉപയോഗിക്കുന്നതായി ആരോപിച്ച് ബിജെപി നേതാവ് ഫേസ് ബുക്കിൽ പോസ്റ്റിട്ടിരുന്നു. പോസ്റ്റിനു താഴെ ബിജെപി പ്രവർത്തകനായ പ്രകാശ് കമൻ്റിട്ടിരുന്നു. ഇതിനു മുൻപ് പഞ്ചായത്ത് തിരഞ്ഞെടുപ്പ് കാലത്ത് പ്രകാശിനെ കൈകാര്യം ചെയ്യുമെന്ന് സിപിഎം നേതാക്കൾ ഭീഷണി ഉയർത്തിയിരുന്നതായും പ്രകാശൻ പറഞ്ഞു.സംഭവത്തെക്കുറിച്ച് നെടുങ്കണ്ടം പൊലീസ് കേസെടുത്ത് അന്വേഷണം ആരംഭിച്ചു.