റഷ്യയും യുക്രെയിനും തമ്മിൽ നീണ്ടുനിൽക്കുന്ന സംഘർഷം അവസാനിപ്പിച്ച് സമാധാനം പുന:സ്ഥാപിക്കാനുമുള്ള ഇന്ത്യയുടെ ശ്രമങ്ങളെ സ്വഗതം ചെയ്യുന്നതായി യു.എസ്

വാഷിംഗ്ടൺ: റഷ്യയും യുക്രെയിനും തമ്മിൽ നീണ്ടുനിൽക്കുന്ന സംഘർഷം അവസാനിപ്പിച്ച് സമാധാനം പുന: സ്ഥാപിക്കാനുള്ള ഇന്ത്യയുടെ ശ്രമങ്ങളെ സ്വഗതം ചെയ്യുന്നതായി യു.എസ് വക്താവ് മാത്യു മില്ലർ. ഇരു രാജ്യങ്ങളും തമ്മിലുള്ള പ്രശ്നങ്ങൾ അവസാനിപ്പിക്കാനുള്ള ശ്രമങ്ങൾ ഏത് രാജ്യം നടത്തിയാലും തങ്ങൾ സ്വാഗതം ചെയ്യുമെന്നും മില്ലർ കൂട്ടിച്ചേർത്തു. ഇന്ത്യൻ പ്രധാനമന്ത്രി നരേന്ദ്രമോദിയും യു.എസ് പ്രസിഡന്റ് ജോ ബൈഡനും റഷ്യ – യുക്രെയിൻ സംഘർഷത്തിൽ ആശങ്ക പ്രകടിപ്പിച്ചിരുന്നു. ആഗോള സാമ്പത്തിക വ്യവസ്ഥയിൽ യുദ്ധത്തിന്റെ ഗുരുതരമായ പ്രത്യാഘാതങ്ങളെ കുറിച്ചും ഇരുനേതാക്കളും പ്രസ്താവിച്ചു.

യുക്രെയിനിലെ സംഘർഷത്തിൽ അഗാധമായ ദുഃഖം പ്രകടിപ്പിക്കുകയും യുദ്ധത്തിന്റെ ഭയാനകവും ദാരുണവുമായ പ്രത്യാഘാതങ്ങളിൽ യു.എസ് പ്രസിഡന്റ് ബൈഡനും ഇന്ത്യൻ പ്രധാനമന്ത്രി നരേന്ദ്രമോദിയും വിലപിക്കുകയും ചെയ്തു. ഭക്ഷണം, ഇന്ധനം, ഊർജ്ജ സുരക്ഷ എന്നിവയിൽ യുദ്ധം കാരണമുണ്ടാകുന്ന ദുരിതങ്ങളുംഅവർ എടുത്തു പറഞ്ഞു മറ്റ് രാജ്യങ്ങളെ ഓർമ്മിപ്പിച്ചു., യുദ്ധത്തിന്റെ അനന്തരഫലങ്ങൾ ലഘൂകരിക്കാൻ കൂടുതൽ ശ്രമങ്ങൾ നടത്തണമെന്ന് അവർ ഇരു രാജ്യങ്ങളോടും ആഹ്വാനം ചെയ്തു.

കഴിഞ്ഞ വർഷം സെപ്റ്റംബറിൽ നടന്ന മോദി പുടിൻ കുടിക്കാഴ്ചയിൽ ഇത് യുദ്ധത്തിന്റെ യുഗമല്ല എന്നായിരുന്നു പുടിനോട് പ്രധാനമന്ത്രി പറഞ്ഞത്. യുക്രെയിൻ പ്രസിഡന്റ് സെലെൻസ്‌കിയുമായി പ്രധാനമന്ത്രി നരേന്ദ്രമോദി ഹിരോഷിമയിൽ നടന്ന ജി7 ഉച്ചകോടിയിൽ കൂടിക്കാഴ്ച നടത്തിയിരുന്നു. ഇന്ത്യയും താനും സംഘർഷം പരിഹരിക്കാൻ സാധ്യമായതെല്ലാം ചെയ്യുമെന്നും അദ്ദേഹം പറഞ്ഞിരുന്നു.