റഷ്യൻ വേൾഡിൽ ഇന്ത്യയെ കൈ കോർത്ത് റഷ്യ.

മോസ്‌കോ. ഇന്ത്യയെയും ചൈനയെയും ഒരേ കൈകളിൽ കോർക്കാനുള്ള ‘റഷ്യൻ വേൾഡ്’ നീക്കവുമായി റഷ്യ. റഷ്യൻ വേൾഡ് നീക്കവുമായി പുതിയ ആശയത്തെ അടിസ്ഥാനമാക്കി പുതിയ വിദേശനയം രൂപീകരിച്ചിരിക്കുകയാണ് റഷ്യ. ഇന്ത്യ, ചൈന തുടങ്ങിയ രാജ്യങ്ങളുമായി സഹകരണം വർദ്ധിപ്പിച്ച് പ്രവർത്തിക്കുമെന്നാണ് നയത്തിൽ റഷ്യ വ്യക്തമാക്കുന്നത്. റഷ്യയെ പിന്തുണച്ച് ഇടപെടലുകൾ നടത്തുന്നവരെ എല്ലാ രീതിയിലും പിന്തുണച്ച് കൊണ്ട് മുന്നോട്ട് പോകുന്ന രീതിയിലാണ് പുതിയ നയം.

ഇന്ത്യയും ചൈനയുമായും സഹകരണം വർദ്ധിപ്പിക്കുമെന്നും, മിഡിൽ ഈസ്റ്റ്, ലാറ്റിൻ അമേരിക്ക, ആഫ്രിക്ക തുടങ്ങിയ രാജ്യങ്ങളുമായുള്ള ബന്ധം കൂടുതൽ മെച്ചപ്പെടുത്തുമെന്നുമാണ് റഷ്യയുടെ പുതിയ വിദേശകാര്യ നയത്തിൽ വ്യക്തമാക്കിയിരിക്കുന്നത്. പുതിയ വിദേശ നയത്തിന് റഷ്യൻ പ്രസിഡന്റ് വ്‌ളാഡിമിർ പുടിൻ അംഗീകാരം നൽകിയതായാണ് പുറത്ത് വന്നിട്ടുള്ള റിപ്പോർട്ടുകൾ പറയുന്നത്.

റഷ്യൻ വേൾഡ് എന്ന ആശയത്തെ അടിസ്ഥാനമാക്കിയാണ് പുതിയ വിദേശനയം രൂപീകരിച്ചിരിക്കുന്നത്. യുക്രെയ്‌നിൽ റഷ്യ യുദ്ധം ആരംഭിച്ച് ആറ് മാസത്തിന് ശേഷമാണ് പുതിയ നയം വെളിപ്പെടുത്തിയിരിക്കുന്നത് എന്നതാണ് ശ്രദ്ധേയം. റഷ്യയുടെ പാരമ്പര്യവും ആദർശവും സംരക്ഷിച്ച് മുന്നോട്ട് പോവുക എന്നതാണ് പുതിയ നയത്തിന്റെ അടിസ്ഥാന തത്വം. യുക്രെയ്‌ന് മേൽ നടത്തിയ ഇടപെടലുകളേയും ഇതിൽ ന്യായീകരിക്കുന്നു.