മഹാരാഷ്ട്ര സർക്കാർ കൂടുതൽ പ്രതിസന്ധിയിലേക്ക്; ‘പണപ്പിരിവ്’ വിവാദത്തിൽ ഗതാഗത മന്ത്രിയും

മഹാരാഷ്ട്ര സർക്കാരിനെ കൂടുതൽ പ്രതിസന്ധിയിലാക്കി എൻ.ഐ.എ കോടതിയിൽ വിവരങ്ങൾ എഴുതി നൽകി പൊലീസ് ഉദ്യോഗസ്ഥൻ സച്ചിൻ വാസെ. മന്ത്രിമാരുൾപ്പെട്ട ‘പണപ്പിരിവ്’ വിവാദത്തിൽ നൽകിയ കത്തിൽ ഗതാഗത മന്ത്രി അനിൽ പരബും പണം പിരിച്ച് നൽകാൻ ആവശ്യപ്പെട്ടതായി വ്യക്തമാക്കിയിട്ടുണ്ട്.
രാജിവച്ച ആഭ്യന്തര മന്ത്രി അനിൽ ദേശ്മുഖ് രണ്ട് കോടിയും ഗതാഗത മന്ത്രി അനിൽ പരബ് 50 കോടിയും പിരിച്ചു നൽകാൻ ആവശ്യപ്പെട്ടു എന്നതാണ് സച്ചിൻ വാസെയുടെ കത്തിലെ ഉള്ളടക്കം. കത്ത് ഉചിത മാർഗത്തിൽ കൈമാറാൻ നിർദേശിച്ച് കോടതി തിരിച്ചു നൽകി. കസ്റ്റഡി മരണക്കേസിൽ 2004 മുതൽ സസ്‌പെഷൻനിലായിരുന്ന വാസെയെ കഴിഞ്ഞ വർഷമാണ് തിരിച്ചെടുത്തത്.

ബാറുകളിൽ നിന്ന് 100 കോടി രൂപ പിരിച്ചു നൽകാൻ അനിൽ ദേശ്മുഖ് ആവശ്യപ്പെട്ടെന്ന മുൻ മുംബൈ കമ്മിഷണർ പരംബീർ സിംഗിന്റെ പരാതിയിൽ സിബിഐ അന്വേഷണത്തിന് ഉത്തരവിട്ടിരുന്നു. തുടർന്നാണ് അനിൽ ദേശ്മുഖ് രാജിവച്ചത്.