ഇത് താത്തയുടെ ചെല്ലക്കുട്ടി, വീട്ടു വിശേഷങ്ങളുമായി സായി പല്ലവി

മലയാള സിനിമയിലൂടെ എത്തി തെന്നിന്ത്യയുടെ മുഴുവന്‍ ഇഷ്ടം പിടിച്ചു പറ്റിയ നടിയാണ് സായ് പല്ലവി. പ്രേമത്തിലൂടെ അഭിനയ രംഗത്തെത്തിയ നടി ഇപ്പോള്‍ തെന്നിന്ത്യന്‍ സിനിമകളില്‍ നിറഞ്ഞ് നില്‍ക്കുകയാണ്. മികച്ച ഒരു നര്‍ത്തകി കൂടിയാണ് താരം. ലോക്ക്ഡൗണ്‍ സമയം താരങ്ങള്‍ എല്ലാവരും സോഷ്യല്‍ മീഡിയയില്‍ സജീവമാകുമ്പോള്‍ സായ് പല്ലവി നേരെ തിരിച്ചാണ്. താരം അത്ര സജീവമല്ല, ഇടയ്ക്ക് എത്തി വിശേഷങ്ങള്‍ പങ്കുവെയ്ക്കുകയാണ് പതിവ്.

ഇപ്പോള്‍ സായ് പല്ലവി സോഷ്യല്‍ മീഡിയകളില്‍ പങ്കുവെച്ച ചിത്രമാണ് ശ്രദ്ധേയമാകുന്നത്. തന്റെ താത്തയുടെ എണ്‍പത്തിയഞ്ചാം പിറന്നാള്‍ ആഘോഷത്തില്‍ നിന്നുള്ള ചിത്രങ്ങളാണ് സായ് പല്ലവി ഷെയര്‍ ചെയ്തത്. മുത്തശ്ശന്‍, മുത്തശ്ശി, അനിയത്തി എന്നിവരെയും ചിത്രങ്ങളില്‍ കാണാം.

സിനിമയില്‍ എത്തുന്നതിന് മുമ്പ് ഒരു തമിഴ് ചാനലില്‍ റിയാലിറ്റി ഷോയില്‍ സായ് പങ്കെടുത്തിട്ടുണ്ട്. എന്നാല്‍ സെമിയില്‍ താരം പുറത്താവുകയായിരുന്നു. പതിനൊന്നാം ക്ലാസില്‍ പഠിക്കവെയാണ് സായ് ഈ റിയാലിറ്റി ഷോയില്‍ പങ്കെടുത്തത്. ആ തോല്‍വി പക്ഷേ സായ് പല്ലവിയുടെ വിജയങ്ങളിലേക്കുള്ള ചവിട്ടുപടിയായിരുന്നെന്നു. സായ് എന്ന ആ പെണ്‍കുട്ടിയെ പിന്നീട് സൗത്ത് ഇന്ത്യ കണ്ടത് ‘പ്രേമം’ എന്ന ചിത്രത്തിലെ നായികയായാണ്. വന്‍ ഹിറ്റാവുകയും ചെയ്തു സായിയുടെ കഥാപാത്രം.