ഭയന്നോടാൻ എനിക്ക് മനസ്സില്ല, ചതിച്ചവരേ നിങ്ങൾക്ക് നന്ദി- സജി നായർ

മലയാളികളുടെ പ്രിയപ്പെട്ട നർത്തകിയും അഭിനേത്രിയുമാണ് ശാലു മേനോൻ. ശ്രദ്ധേയമായ നിരവധി കഥാപാത്രങ്ങൾ അവതരിപ്പിച്ച നടിയാണ് ശാലു മേനോൻ. മിനിസ്‌ക്രീനിൽ ഏറെ ശ്രദ്ധേയയാ താരം ഒരു ഇടവേളയ്ക്ക് ശേഷം കറുത്തമുത്തിലെ കന്യ എന്ന വേഷത്തിലൂടെ ഗംഭീര മടങ്ങിവരവാണ് കാഴ്ചവെച്ചത്. മഞ്ഞിൽ വിരിഞ്ഞ് പൂവ് എന്ന സീരിയലിലും ശക്തമായ കഥാപാത്രമായി ശാലു എത്തിയിരുന്നു

നൃത്തം അഭ്യസിക്കാൻ തുടങ്ങിയ ശാലു ഇപ്പോൾ നിരവധി നൃത്ത വിദ്യാലയങ്ങൾ നടത്തി വരികയാണ്. യൂട്യൂബിലും ശാലു സജീവമാണ്. താരത്തിന്റെ ഡാൻസ് വീഡിയോകൾ ഒക്കെ വളരെയധികം ശ്രദ്ധിക്കപ്പെടാറുണ്ട്. സോഷ്യൽ മീഡിയകളിലും ഏറെ സജീവമാണ് ശാലു മേനോൻ. ശാലു മേനോന്റെ ഭർത്താവ് സജി നായരും സോഷ്യൽ മീഡിയയിൽ സജീവമാണ്. അടുത്തിടെ ഇരുവരും തമ്മിൽ വേർപിരിഞ്ഞതായി ശാലു തന്നെ സ്ഥിരീകരിച്ചിരുന്നു. ഇപ്പോഴിതാ സജി പങ്കിട്ട ഒരു കുറിപ്പാണു വൈറലായി മാറുന്നത്.

കുറിപ്പിങ്ങനെ,

2022 മരണത്തിനും ജീവിതത്തിനുമിടയിലൂടെ കടന്നുപോയ വർഷം, സ്വാർത്ഥ താൽപര്യങ്ങൾക്ക് വേണ്ടി എന്നോടൊപ്പം കൂടിയ പലരുടേയും മുഖംമൂടികൾ തിരിച്ചറിഞ്ഞ വർഷം, എന്നെ സ്നേഹിച്ചവരേയും ചതിച്ചവരെയും എൻ്റെ നൻമ ആഗ്രഹിക്കുന്നവരേയും തിരിച്ചറിഞ്ഞ വർഷം, ഭയന്നോടാൻ എനിക്ക് മനസ്സില്ല

ചതിച്ചവരേ നിങ്ങൾക്ക് നന്ദി പുതിയ പാഠങ്ങൾ പഠിക്കാൻ സഹായിച്ചതിന്, കൂടെ നിന്നവരേ സഹായിച്ചവരേ നിങ്ങൾക്കും നന്ദി എന്നെ സ്നേഹിച്ചതിന്, 2023 മുന്നിലെത്തി എനിക്ക് എന്നും ഞാനാകാനേ കഴിയൂ. ആ പഴയ ഞാൻ . എല്ലാവർക്കും എൻ്റെ ഹൃദയം നിറഞ്ഞ പുതുവത്സര ആശംസകൾ, എന്നാണ് സജി നായർ സോഷ്യൽ മീഡിയയിൽ‌ കുറിച്ചത്.