തല മറച്ചേ പുറത്തിറങ്ങൂ,പർദ്ദയിടും, മേക്കപ്പ് ഇടില്ല- സജിതാ ബേട്ടി

ടെലിവിഷൻ പ്രേക്ഷകർക്കും ബിഗ് സ്‌ക്രീൻ ആരാധകർക്കും ഏറെ പ്രിയപ്പെട്ട താരങ്ങളിൽ ഒരാളാണ് സജിത ബേട്ടി. ബാലതാരമായി ബിഗ് സ്‌ക്രീനിൽ തിളങ്ങി നിന്ന താരമാണ് സജിതാ ബേട്ടി. ഒരുകാലത്തെ മിക്ക ചിത്രങ്ങളിലും ബാലതാരമായി തിളങ്ങിയിട്ടുണ്ടെങ്കിലും ശ്രീ കൃഷ്ണപുരത്തെ നക്ഷത്ര തിളക്കത്തിലൂടെയാണ് സജിത കൂടുതൽ ശ്രദ്ധിക്കപ്പെട്ടത്.കുട്ടി ആയിരിക്കുമ്പോൾ മുതൽ തന്നെ മികച്ച അഭിനയ മികവാണ് താരം കാഴ്ച വച്ചത്. കുട്ടിത്തം തുളുമ്പുന്ന മുഖവും,നിഷ്കളങ്കമായ വിടർന്ന കണ്ണുകളും ഉള്ള താരം പിന്നീടിങ്ങോട്ട് സിനിമകളിൽ മാത്രമല്ല സീരിയലുകളിലും തിളങ്ങാൻ തുടങ്ങി.

കുറച്ച് കാലമായി അഭിനയ രംഗത്ത് നിന്നും വിട്ടു നിൽക്കുകയാണ് താരമിപ്പോൾ.വിവാഹ ജീവിതത്തിൽ മകൾക്കൊപ്പമുള്ള നിമിഷങ്ങൾ ആഘോഷിക്കുകയാണ് താരം. സജിത ബേട്ടി ഇപ്പോൾ ആളാകെ മാറിയിരിക്കുകയാണ്. സിനിമയിൽ കാണുന്നതുപോലെയല്ല ഇപ്പോൾ താരം.മേക്കപ്പെല്ലാം ഉപേക്ഷിച്ച് തട്ടമൊക്കെ ഇട്ട് വീട്ടമ്മയായിട്ടാണ് താരം ഇപ്പോൾ ജീവിക്കുന്നത്

താൻ പണ്ടേ വിശ്വാസങ്ങൾക്കനുസരിച്ച് ജീവിക്കുന്ന ആളാണെന്നും നിസ്‌കാരം കൃത്യമായി ചെയ്യാറുണ്ടെന്നും തുറന്നുപറയുകയാണ് താരം. ഞാൻ പണ്ടേ വിശ്വാസങ്ങൾക്കനുസരിച്ചു ജീവിക്കുന്ന ആളാണ്. പർദ്ദയിടും. നിസ്‌കാരം കറക്ടായി ഫോളോ ചെയ്യും. തല മറച്ചേ പുറത്തിറങ്ങൂ. മേക്കപ്പ് ഇടില്ല. പക്ഷേ സിനിമയിൽ അതൊന്നുമില്ല. മറ്റൊരു ലോകമാണ്. ജോലി അഭിനയമാണല്ലോ. അവിടെ വ്യകതിപരമായ കാര്യങ്ങൾക്ക് സ്ഥാനമില്ല. എന്നാൽ അഭിനയം തീർന്ന് മടങ്ങി വന്നാൽ ഞാൻ പപ്പയുടെയും മമ്മിയുടേയും മോളാണ്. ഇപ്പോൾ ഷമാസിന്റെ ഭാര്യ എന്ന് അറിയപ്പെടാനാണ് ഇഷ്ടം.സജിതാ ബേട്ടിയുടെ ഭർത്താവായ ഷമാസ് ടൂ കൺട്രീസിൽ ഒരു ചെറിയ വേഷം ചെയ്തിട്ടുണ്ട്. ഒരേ സമയം വില്ലത്തിയായും പാവം കുട്ടിയായും താൻ അഭിനയിച്ചിട്ടുണ്ടെന്നും ഇനിയും വില്ലത്തി വേഷങ്ങളിലേക്ക് വിളിച്ചാൽ തിരിച്ചുവരുമെന്നും സജിതാ ബേട്ടി പറഞ്ഞു.