യു.ഡി.എഫിനും എല്‍.ഡി.എഫിനും ഒരേ സ്ഥാനാര്‍ഥി ;  കോഴഞ്ചേരി പഞ്ചായത്ത് പ്രസിഡന്റ് തിരഞ്ഞെടുപ്പ് തിങ്കളാഴ്ച

പത്തനംതിട്ട : കോഴഞ്ചേരി പഞ്ചായത്ത് പ്രസിഡന്റ് തിരഞ്ഞെടുപ്പ് ഇന്ന് നടക്കും. അതേസമയം യു.ഡി.എഫിനും എല്‍.ഡി.എഫിനും ഒരേ സ്ഥാനാര്‍ഥിയാനുള്ളത്. യു.ഡി.എഫ്. അംഗം റോയ് ഫിലിപ്പിനെയാണ് ഇരുമുന്നണികളും സ്ഥാനാര്‍ഥിയായി പ്രഖ്യാപിച്ചിരിക്കുന്നത്. തങ്ങളുടെ സ്ഥാനാർത്ഥി മറുകണ്ടം ചാടിയതോടെ
യു.ഡി.എഫ്. വിപ്പ് നല്‍കുകയായിരുന്നു.

എന്നാൽ തനിക്ക് ആദ്യം പിന്തുണവാഗ്ദാനം ചെയ്ത ഇടതുമുന്നണിക്കൊപ്പമാണ് താനെന്ന് റോയ് ഫിലിപ്പ് പറയുന്നു. അതേസമയം വിട്ടുകൊടുക്കാന്‍ തയ്യാറല്ലാത്ത യു.ഡി.എഫ് അറിയിച്ചു, റോയ് ഫിലിപ്പിനെ സ്ഥാനാര്‍ഥിയാക്കി വിപ്പ് നല്‍കുകയും ചെയ്തു. മാർച്ച് 13 തിങ്കളാഴ്ച രാവിലെ 11 മണിക്കാണ് തിരഞ്ഞെടുപ്പ് നടക്കുക.

കോഴഞ്ചേരി പഞ്ചായത്തില്‍ നറുക്കെടുപ്പിലൂടെയാണ് യു.ഡി.എഫിന് ഭരണം ലഭിച്ചത്. കേവല ഭൂരിപക്ഷമില്ലാത്തതിനാലാണ് ഇങ്ങനെ ചെയ്തത്. മുന്നണി ധാരണ പ്രകാരം, ആദ്യ രണ്ടുവര്‍ഷത്തിനു ശേഷം കോണ്‍ഗ്രസ് അംഗം രാജിവെക്കേണ്ടിയിരുന്നു. എന്നാല്‍, ഇതുണ്ടാവാത്തതിനെത്തുടര്‍ന്ന് മുന്നണിയില്‍ അസ്വാരസ്യങ്ങളുണ്ടായി. എല്‍.ഡി.എഫിലെ അഞ്ച് അംഗങ്ങള്‍ ഒപ്പിട്ട അവിശ്വാസപ്രമേയത്തില്‍ യു.ഡി.എഫിലെ രണ്ട് കേരള കോണ്‍ഗ്രസ് അംഗങ്ങള്‍ ഒപ്പിട്ടതിനെത്തുടര്‍ന്ന് കോണ്‍ഗ്രസ് പ്രതിനിധിയായ ജിജി വര്‍ഗീസ് ജോണ്‍ കഴിഞ്ഞ 22-ന് രാജിവെച്ചിരുന്നു.