അച്ഛനുപിന്നാലെ അമ്മമ്മയും പോയതാണ് ജീവിതത്തിലെ ഏറ്റവും വലിയ നഷ്ടം- സംയുക്ത

മലയാളികളുടെ പ്രിയപ്പെട്ട നടിയാണ് സംയുക്ത വർമ. ബിജു മേനോനുമായുള്ള വിവാഹത്തിന് ശേഷം സിനിമയിൽ നിന്നും വിട്ടു നിൽക്കുകയാണ് നടി. 2002ൽ ആയിരുന്നു ബിജു മേനോനും സംയുക്ത വർമ്മയും തമ്മിലുള്ള വിവാഹം നടന്നത്. സിനിമയിൽ നിന്നും വിട്ടു നിൽക്കുന്ന സംയുക്ത യോഗകളും കുടുംബ ജീവിതവുമായി തിരക്കിലാണ്. 2002ലായിരുന്നു ഇരുവരും വിവാഹിതരായത്. ജയറാം നായകനായ വീണ്ടും ചില വീട്ടുകാര്യങ്ങൾ എന്ന ചിത്രത്തിലൂടെയാണ് വെള്ളിത്തിരയിൽ സംയുക്ത അരങ്ങേറ്റം കുറിച്ചിരുന്നത്. 2006ൽ ആയിരുന്നു ഇരുവർക്കുമിടയിൽ ഏക മകൻ ദക്ഷ് ധാർമിക്ക് പിറന്നത്.

ഇപ്പോളിതാ ജീവിതത്തിലെ ഏറ്റവും വലിയ നഷ്ടങ്ങളെക്കുറിച്ച് തുറന്നുപറയുകയാണ് താരം. ഒരിക്കലും നികത്താൻ കഴിയാത്ത ചില നഷ്ടങ്ങൾ ജീവിതത്തിൽ സംഭവിച്ചിട്ടുണ്ട്. അച്ഛന്റെ മരണം വല്ലാതെ തളർത്തിയ ഒന്നായിരുന്നു. അച്ഛൻ മരിച്ച് അധികനാൾ കഴിയുന്നതിനിടയിലായിരുന്നു അമ്മമ്മയും മരിച്ചത്. അക്കാര്യത്തെക്കുറിച്ചോർക്കുമ്പോൾ മനസ്സിന് കനമാണ്. ബിജുവേട്ടന്റെ കരിയറിലെ ഉയർച്ച കാണാൻ അദ്ദേഹത്തിന്റെ അച്ഛനും അമ്മയും ഇല്ല. അതും വലിയ വേദനയാണ്. എല്ലാവരും ഒന്നിച്ച് പഴയത് പോലെ ഇനി നടക്കില്ലല്ലോ, അത് വലിയ വേദനയാണെന്നും താരം പറയുന്നു

ഇഷ്ടമുള്ള ഭക്ഷണങ്ങൾ ഇതുവരെയും ഒഴിവാക്കിയിട്ടില്ല.. ചോറും കറിയും ഐസ്‌ക്രീമും രസഗുളയുമെല്ലാം നന്നായി കഴിക്കാറുണ്ട്. മുൻപ് മുട്ട ബിരിയാണി നല്ല ഇഷ്ടമായിരുന്നു. ഇപ്പോഴാവട്ടെ തനിക്ക് അതൊന്നും കഴിക്കാനാവുന്നില്ലെന്നും താരം പറയുന്നു.