പാർവതിയുടെ വാക്കുകൾ കേട്ട് ഞെട്ടിപ്പോയി, അഞ്ച് വർഷത്തിനുശേഷം മറുപടിയുമായി സന്ദീപ് റെഡ്ഡി

അർജുൻ റെഡ്ഡി, കബീർ സിങ് സിനിമകളെ വിമർശിച്ചുകൊണ്ടുള്ള നടി പാർവതി തിരുവോത്തിന്റെ പരാമർശത്തിൽ മറുപടിയുമായി സംവിധായകൻ സന്ദീപ് റെഡ്ഡി വാങ്ക. ജോക്കറിനെ പിന്തുണച്ചും അർജുൻ റെഡ്ഡിയെ എതിർത്തുമുള്ള പാർവതിയുടെ വാക്കുകൾ കേട്ട് ഞെട്ടിപ്പോയി എന്നാണ് സംവിധായകൻ പറയുന്നത്.

മഹത്വവൽക്കരണം എന്താണെന്ന് സാധാരണക്കാർക്ക് പോയിട്ട് അഭിനേതാക്കൾക്ക് പോലും മനസിലാവുന്നില്ല എന്ന് പറഞ്ഞുകൊണ്ടാണ് പാർവതിയെക്കുറിച്ച്‌ സന്ദീപ് പറഞ്ഞത്. പടികളിൽ നിന്ന് ജോക്കർ ഡാൻസ് ചെയ്യുമ്പോൾ അവർക്ക് തോന്നുന്നില്ല അത് ഗ്ലോറിഫിക്കേഷൻ ആണെന്ന്. ഞാൻ ഞെട്ടിപ്പോയി. അവർ നല്ലൊരു അഭിനേതാവാണ്

മലയാളത്തിൽ ഒരു നടിയുണ്ട്, പാർവതി തിരുവോത്ത് എന്നാണ് പേര്. ഒരിക്കൽ ഒരു അഭിമുഖത്തിൽ അവർ പറയുകയുണ്ടായി, ഹോളിവുഡ് ചിത്രം ജോക്കർ കൊലപാതകത്തെ മഹത്വവൽക്കരിക്കുന്നില്ല എന്ന്. പടികളിൽ നിന്ന് ജോക്കർ ഡാൻസ് ചെയ്യുമ്പോൾ അവർക്ക് തോന്നുന്നില്ല അത് ഗ്ലോറിഫിക്കേഷൻ ആണെന്ന്. ഞാൻ ഞെട്ടിപ്പോയി. അവർ നല്ലൊരു അഭിനേതാവാണ്. അവരെപ്പോലുള്ള ഒരാൾക്ക് ‘ജോക്കർ’ എന്ന സിനിമ അക്രമത്തെ മഹത്വവൽക്കരണമായി തോന്നാതിരിക്കുകയും അർജുൻ റെഡ്ഡിയിലും കബീർ സിങ്ങിലും അതുണ്ടെന്ന് തോന്നുകയും ചെയ്യുന്നുണ്ടെങ്കിൽ സാധാരണ പ്രേക്ഷകരിൽ നിന്ന് എന്ത് പ്രതീക്ഷിക്കണം.- അർജുൻ റെഡ്ഡി പറഞ്ഞു.

2019ൽ ഫിലിം കമ്പനിയനു നൽകിയ അഭിമുഖത്തിലായിരുന്നു നടിയുടെ പരാമർശം. അർജുൻ റെഡ്ഡിയും കബീർ സിങ്ങും അക്രമങ്ങളുടെ മഹത്വവത്കരണത്തിന്റെ ദൃശ്യവൽക്കരണമാണെന്നാണ് താരം പറഞ്ഞത്. ജോക്കറിൽ ആ കഥാപാത്രത്തോട് സഹതാപം തോന്നുമെങ്കിലും മഹത്വവൽക്കരിക്കുന്നതായി തോന്നിയില്ല എന്നുമാണ് പറഞ്ഞത്.